________________
भासगाहा-४०७०-४०८१] तइओ उद्देसो
५६३ (चतुर्गुरु) जाव अट्ठमे दिवसे पारंचिओ । सोहि त्ति गयं ।
इदाणिं अववादि त्ति । दिवसे दिवसे आणेज्ज भुंजेज्ज य, ण य पच्छित्तं । किं पुण एवं तं कारणं?
बाले वुड्ढे सेहे, आयरिय गिलाण खमग पाहुणए । दुल्लभ संसत्त असंथरंत अद्धाणकप्पम्मि ॥४०७५॥ हरिए बीए चले जुत्ते, वच्छे साणे जलट्ठिए । पुढवी संपातिमा सामा, महावाए महियाऽमिते ॥४०७६॥ पुव्वण्हे लेवदाणं, लेवग्गहणं सुसंवरं काउं ।
लेवस्स आणणा लिंपणा य जतणाय कायव्वा ॥४०७७॥
"बाले०" ["हरिए०" "पुव्वण्हे०"] गाहा । बालादीया न सक्तति पडिग्गहगं हिंडावेउं आयरियाईणं पाउग्गं घिप्पति दुल्लभदव्वं पडुप्पण्णं ताहे मत्तते गेण्हेज्ज । संसत्तभत्तपाणे वा, तत्थ सोहेति । असंथरणे वा सति लंभे पडिग्गहगो भरितो, ताहे मत्तए गेण्हेज्जा । 'अद्धाणकप्पम्मि' त्ति अद्धाणे वा असंथरंता सति लंभे पडिग्गहगो भरितो ताहे मत्तए गेण्हेज्ज । अप्पपरिकम्मं सपरिकम्मं च लेवेयव्वं । तस्स विही भण्णति जाहे पेढियाए । (गा० ५००, ४९१)
[सुत्तं]-कप्पति निग्गंथाण वा निग्गंथीण वा भिन्नाइं वत्थाइं धारित्तए वा परिहरित्तए वा ॥३-९॥
आह - किमणेण सुत्तेण पयोयणं ननूक्तार्थमेवेदं सूत्रम् ? अत उच्यतेअव्वोगडो उ भणि ते, उवधिविभागो उ आदिसुत्तेसु । सो पुण विभज्जमाणो, उवरिसुए वोगडो होति ॥४०७८॥ चोद्दसग पण्णवीसो, ओहोवधुवग्गहो अणेगविधो । संथारपट्टमादी, उभयोपक्खम्मि णेयव्वो ॥४०७९॥ पत्तं पत्ताबंधो, पायढवणं च पायकेसरिया । पडलाइं रयत्ताणं, च गोच्छओ पायनिज्जोगो ॥४०८०॥ तिण्णेव य पच्छाया, रयहरणं चेव होइ मुहपोत्ती । तत्तो य मत्तए खलु, चोद्दसमे कमढए होति ॥४०८१॥
