________________
५६२
विसेसचुण्णि
[भिण्णाभिण्णवत्थपगयं "सुक्खोल्ल०" ["भत्तस्स०"] गाहाद्वयम् । पमाणे त्ति गयं । इदाणिं हीणे त्ति दारं । डहरस्सेते दोसा, ओभावण खिसणा गलंते य ।
छण्हं विराहणा भाणभेदो जं वा गिलाणस्स ॥४०७०॥
"डहरस्सेते०" गाहा । ओभावणा कहं ? चप्पाचप्पं भरेमाणं दटुं असंतुट्ठो त्ति मण्णति । खिसणा-गलंतं दटुं भणंति गलंतेणं सिंचितो वि न गणेसि लोहदोसेणं । छण्हं विराधणा । गलंतेण भाणभेदो - मा लेवाडिज्जिहि त्ति खाणु विसमाणि अदेहमाणो पक्खुलेज्जा। गिलाणस्स अप्पज्जत्तं भवति, तेण तस्स जा विराधणा ।
पडणं अवंगुतम्मि, पुढवीतसपाणतरुगणादीणं ।
आणिज्जंते गामंतरातो गलणे य छक्काया ॥४०७१॥
"पडणं०" गाहा । कण्णाकण्णि भरते लेवाडण भएण अवंगुतेणं एंति । तत्थ पुढवी सच्चित्ता वा तेण समुद्धता पडेति तसपाणाणि वा पुष्पाणि वा । सेसं कण्ठ्यं । एतं हीणे त्ति गतं ।
इदाणिं अहिए त्ति दारं ।
अहियस्स इमे दोसा, एगतरस्सोग्गहम्मि भरितम्मि । सहसा मत्तगभरणे, भारादि विगिंचणियमादी ॥४०७२॥
“अहियस्स०" गाहा । प्रमाणाधिकस्येत्यर्थः । 'एगतरस्स' त्ति भत्तस्स पाणस्स वा भारेणं आयविराधणाए संजमविराधणाए य दोसा । अधिए त्ति गयं ।
___ इदाणिं सोहि त्ति दारं-अपरिभोगो मत्तओ आयरियाईणं अट्ठाए मत्तए कप्पति, णिक्कारणे परिभुंजति तो इमं पच्छित्तं
जड़ भोयणमावहती, दिवसेणं तत्तिया चउम्मासा । दिवसे दिवसे तस्स उ, बितिएणारोवणा भणिया ॥४०७३॥ अण्णाणे गारवे लुद्धे, असंपत्ती य जाणए । लहुगो लहुगा गुरुगा, चउत्थो सुद्धो उ जाणओ ॥४०७४॥
"जड़ भोजण" ["अण्णाणे०"] गाहा । जतिए वारे आणेति एगदिवसेणं तत्तिया चेव चउलहुगा । दिवसे दिवसे । “बितिए'त्ति बितिओ पच्छित्तप्पगारो पढमे दिवसे चतु. :: ।
१. डहरस्सेमे मुच ।
