________________
भासगाहा-३९७७-३९८७] तइओ उद्देसो
५४७ "उण्णियं०" ["संथारुत्तरपट्टा०" "दुगुणो०" "चउरंगुलं" "गोच्छग०"] गाहा । कण्ठ्या । एयं मज्झिमोवगरणं । जहण्णयं इमं - मुहपोत्तिय पडिलेहणियाए पायठवणस्स गोच्छगस्स य प्पमाणं विहत्थी चउरंगुलं । बितिओ आदेसो मुहप्पमाणेण मुहपोत्तिया कायव्वा ।
जो वि तिवत्थ दुवत्थो, एगेण अचेलगो व संथरइ । न हु ते खिसंति परं, सव्वेण वि तिण्णि घेत्तव्वा ॥३९८४॥
"जो वि तिवत्थ०" गाहा । जो अचेलगो संथरति सो अचेलगो अच्छति । जो एक्केणं संथरति सो एक्कं पाउणति, जो दोहि विणा ण संथरति सो दोण्णि, जो तिहि विणा ण संथरति सो तिण्णि पाउणति । अभिग्गहो वा एस, न य अचेलएणं एगवत्थेण वा दुवत्थेण वा अहियतर वत्थो[व]हीलेतव्वो । किं कारणं ? जम्हा जिणाण [आणा] एस सव्वेण वि तिन्नि घेत्तव्वा । जो वि अचेलगो संथरति तेण तिण्णि वत्थाणि घेत्तव्वाणि । पमाणप्पमाण वत्थाण गयं ।
इदाणि अतिरेग हीण त्ति दो वि एगट्ठा वक्खाणेति ।
अप्पा असंथरंतो, निवारिओ होति तीहि वत्थेहिं । गिण्हति गुरूविदिण्णे, पगासपडिलेहणे सत्त ॥३९८५॥
"अप्पा असंथरंतो०" गाहा । कहं निवारिते इमाए जयणाए ? उसग्गेणं ण चेव पाउरितव्वं । जाहे ण संथरेज्ज ताहे एकं पाउरति । जाहे तेण वि ण संथरेज्ज ताहे ततियं पि गेण्हति । जति णाम तह वि न संथरेज्जा ताहे तिन्नि विछड्डेऊण बाहिं पडिमाए ठाइ । ताव अच्छइ जाव सीए णीसटुं द्रावितो । पच्छा तम्मि चेव णिवेसति एवं पि जति ण संथरति ताहे एक्कं कप्पं गेण्हेज्जा । जाहे तेण वि ण संथरति ताहे बितियं, तत्तो ततियं, तत्थ से अईव सायं भवति । तं चिंतेमाणस्स सीतं । एवं अप्पा तिहिं चेव णिवारेयव्वो ।
तिन्नि कसिणे जहण्णे, पंच य दढदब्बलाइं गेण्हेज्जा ।
सत्त य परिजुण्णाइं, एयं उक्कोसगं गहणं ॥३९८६॥
"तिण्णि कसिणे." गाहा । जेहि सूरो ण दीसति तारिसाणि तिण्णि गेण्हेज्जा । जाणि मज्झिमाणि ताणि पंच, दड्ढदुब्बलाणि । जहा तेसु वि समाहतेसु सूरो ण दीसति । एयं उक्कोसयं गहणं ।
भिण्णं गणणाजुत्तं, पमाण इंगालधूमपरिसुद्धं । उवहिं धारऍ भिक्खू, जो गणचिंतं न चिंतेइ ॥३९८७॥
१. देवत्थेण वा - नास्ति अ इ । २. असई - अ ब ड इ ।
