________________
५३१
भासगाहा-३८७९-३८९४] तइओ उद्देसो
दुविहं च भावकिसणं, वण्णजुतं चेव होति मोल्लजुयं । वण्णजुयं पंचविहं, तिविहं पुण होइ मोल्लजुतं ॥३८८६॥ पंचण्हं वण्णाणं, अण्णतराएण जं तु वण्णहूँ । तं वण्णजुयं कसिणं, जहण्णयं मज्झिमुक्कोसं ॥३८८७॥ चाउम्मासुक्कोसे, मासा मज्झे य पंच य जहणणे । तिविहम्मि वि वत्थम्मि, तिविधा आरोवणा भणिता ॥३८८८॥ दव्वाइतिविहकसिणे, एसा आरोवणा भवे तिविहा । एसेव वण्णकसिणे, चउरो लहुगा व तिविधे वि ॥३८८९॥ मुल्लजुयं पि य तिविहं, जहण्णगं मज्झिमं च उक्कोसं ।
जहणणेणऽट्ठारसगं, सतसाहस्सं च उक्कोसं ॥३८९०॥
“वित्थारा०" ["जं वत्थ०" "जं वत्थ०" "दुविहं च०" "पंचण्हं." "चाउम्मासु०" "दव्वाइ०" "मुल्लजुयं०"] गाहा । कण्ठ्या । सेसाओ गाहाओ कंठाओ । कयरेणं पुण पमाणेणं? जहण्णयं अट्ठारस मुल्लं, उक्कोसयं सयसहस्सं, मज्झे मज्झं । अत उच्यते
दो साभरया दीविच्चगा तु सो उत्तरापथे एक्को ।
दो उत्तरापहा पुण, पाडलिपुत्तो हवति एक्को ॥३८९१॥
"दो साभरया०" गाहा । साभरगो णाम रूवगो । दो रूवगा दीविवच्चगा । एक्को उत्तरापहगो रूवगो भवति । दो उत्तरापथगा एगो पाडलिपुत्तगो । अहवा इमं -
दो दक्खिणावहा तू, कंचीए णेलओ स दुगुणो य । एगो कुसुमनगरगो, तेण पमाणं इमं होति ॥३८९२॥
"दो दक्खिणावहा०" गाहा । दो दक्खिणापहगा, एगो कांचिविसए णेलगो त्ति भण्णति । सो दुगुणो पाडलिपुत्तओ एगो रुयओ। एएणं प्रमाणेणं । इमेणं परिमाणेणं गिण्हंतस्स इमं पच्छित्तं
अट्ठारस वीसा या, अगुणापण्णा य पंच य सयाइं । एगूणगं सहस्सं, दस पण्णासं सतसहस्सं ॥३८९३॥ चत्तारि छच्च लहु गुरु, छेदो मूलं च होइ बोद्धव्वं । अणवठ्ठप्पो य तहा, पावति पारंचियं ठाणं ॥३८९४॥
