________________
५२४ विसेसचुण्णि
[चम्मपगयं "एगपुड०" गाहा । सकलकसिणं नाम जं एगपुडगं । एतस्स विभासा - पादस्स जं पमाणं, तेण पमाणेण जा भवे कमणी । मज्झम्मि तु अक्खंडा, अण्णत्थ व सकलकसिणं तु ॥३८४८॥ दुपुडादि अद्धखल्ला, समत्तखल्ला य वग्गुरी खपुसा । अद्धजंघ समत्ता य, पमाणकसिणं मुणेयव्वं ॥३८४९॥
"पायस्स जं पमाणं०" ["दुपुडादि०"] गाहा । कण्ठ्या । प्रमाणकसिणं दुपुडतिपुडादी । एयं इमेहिं प्रकारेहिं होज्ज । खल्लगाखपुसाओ वग्गुरीओ कोसगा जंघाओ अद्धजंघाओ खल्लग्गा खल्लइलियाओ उवाहणाओ ताओ पुण अद्धखल्लइलियाओ वा समत्तखल्लइलियाओ वा । कोसगा अंगुलिकोसगा । सेसाणं गाहा ।
उवरिं तु अंगुलीओ, जा छाए सा तु वग्गुरी होति ।
खपुसा य खलुगमेत्तं, अद्धं सव्वं च दो इयरे ॥३८५०॥
"उवरिं तु अंगुलीओ०" गाहा । वग्गुरियो जा अंगुलीयो छाएउं पाएउं पाए वि अप्पि छाइंति । खपुसाओ खुलुगातो जाव अद्धं सव्वं वा । 'दो इयर' त्तिं अद्धजंघा समत्तजंघा य । प्रमाणकसिणं गतं ।
वण्णड्ड वण्णकसिणं, तं पंचविहं तु होइ नायव्वं । बहुबंधणकसिणं पुण, परेण जं तिण्ह बंधाणं ॥३८५१॥
"वण्णड्ड०" गाहा । पंचण्हं वण्णाणं एगतरेण वन्नेण जं उज्जलं तं वण्णकसिणं । बंधकसिणं-जं तिण्ह चम्माण आवरिएण ।
इदाणिं पच्छित्तं भण्णति
लहुओ लहुगा दुपुडादिएसु गुरुगा य खल्लगादीसु । आणादिणो य दोसा, विराहणा संजमाऽऽदाए ॥३८५२॥ अंगुलिकोसे पणगं, सगले सुक्के य खल्लगे लहुओ । बंधण वण्ण पमाणे, लहुगा तह पूरपुण्णे य ॥३८५३॥ ["लहुओ लहुगा०१"] “अंगुलिकोसे पणगं०" गाहा । अंगुलिकोसए अंगुट्ठकोसए
१. एषा गाथा विशेषचूर्णिकृता न व्याख्याता ।
