________________
भासगाहा-३८४८-३८६२] तइओ उद्देसो
५२५ य पंचराइंदियाणि । 'सकल' त्ति सकलकसिणे मुक्कखलए य मासलहुं । वण्णकसिणे पमाणकसिणे दुपुडाइसु उवाहणासु पूरपुन्नासु य चउलहुगा ।
अद्धे समत्त खल्लग, वग्गुरि खपुसा य अद्धजंघा य ।
गुरुगा दोहि विसिट्ठा, वग्गुरिए अण्णतरएणं ॥३८५४॥
"अद्धे सम्मत्त खल्लग०" गाहा। अद्धखल्लइलोवाहणासु, समत्तखल्लइलोवाहणासु य, खवसासु, अद्धजंघ समत्तजंघा दो वि एक्कं, एतेसु चउसु वि चउगुरुगा तवकालविसेसिता । वग्गुरीए चउगुरुगा, अन्नतरगुरुगं तवेण कालेण वा ।
जत्तियमित्ता वारा, तु बंधते मुंचते व जति वारा । सट्ठाणं तति वारे, होति विवड्डी य पच्छित्ते ॥३८५५॥
"जत्तिय०" गाहा । सट्ठाणं णाम जत्थ पंचराइंदियाणि । एवं मासलहुगं पि चउलहुगं पि चउगुरुगं पि। विवड्डी णाम एक्कक्के आणादी विभासा । संजमविराहणा य छक्काय चउसु लहुगा विभासा । आयविराहणा-बब्भे छिण्णे पंखुलेज्ज पमत्तं वा देवया छलेज्जा । इमे य दोसा -
गव्वो णिम्मदवता, णिरवेक्खो निद्दतो णिरंतरता । भूताणं उवघातो, कसिणे चम्मम्मि छद्दोसा ॥३८५६॥ आसगता हत्थिगतो, गव्विज्जइ भूमितो य कमणिल्लो । पादो उ समाउक्को, कमणीउ खरा अवि य भारो ॥३८५७॥ कंटाई देहंतो, जीवे वि ह सो तहेव देहिज्जा । अत्थि महं ति य कमणी, णावेक्खइ कंटएण जिए ॥३८५८॥ पुचि अदया भूएसु होति बंधति कमेसु तो कमणी । जायति हु तदब्भासा, सुदयालुस्सावि णिद्दयया ॥३८५९॥ अवियंडबखुज्जपादेण पेल्लितो अंतरंगुलगतो वा । मुच्चेज्ज कुलिंगादी, ण य कमणीपेल्लितो जियती ॥३८६०॥ किह भूयाणुवघातो, ण होहिती पगतिपेलवतणूणं । सभराहि पेल्लियाणं, कक्खडफासाहिं कमणीहि ॥३८६१॥ विह अतराऽसहु संभम, कोट्ठाऽरिस चक्खु दुब्बले बाले । अज्जा कारणजाते, कसिणग्गहणं अणुण्णायं ॥३८६२॥
