________________
भासगाहा-३८३३-३८४७] तइओ उद्देसो
५२३ जह कारणे निल्लोमं, तु कप्पती तह भवेज्ज इयरं पि । अगाढि सलोमं आदिकाउ जा पोत्थए गहणं ॥३८४१॥ भत्तपरिण्ण गिलाणे, कुसमाइ खराऽसती तु झुसिरा वि । अप्पडिलेहियदूसासती य पच्छा तणा होती ॥३८४२॥ दुप्पडिलेहियदूसे, अद्धाणादी विवित्त गेण्हंति । घेप्पति पोत्थगपणगं, कालियनिज्जुत्तिकोसट्टा ॥३८४३॥
"जह कारणे०" [भत्तपरिण०" "दुप्पडिलेहिय०"] गाहा । जह कारणे निल्लोमं रुप्पति तहा 'इयरं पि' त्ति झुसिरं पि, आगाढकारणे सलोमं आदि काऊणं पच्छाणुपुव्वीए जाव 'पोत्थग' त्ति भत्तपच्चक्खायस्स अपडिलेहियदूसासतीए अझुसिर झुसिरा वि तणा पत्थरिज्जंति । सेसं कण्ठ्यम् ।
[सुत्तं] नो कप्पइ निग्गंथाण वा निग्गंथीण वा कसिणाइं चम्माइं धारित्तए वा परिहरित्तए वा ॥३-५॥
सम्बन्धःचम्मं चैवाहिकयं, तस्स पमाणमिह मिस्सिए सुत्ते । अपमाणं पडिसिज्झति, ण उ गहणं एस संबंधो ॥३८४४॥ अहवा अच्छुरणट्ठा, तं वुत्तमिदं तु पादरक्खट्ठा । तस्स वि य वण्णमादी, पडिसेहेती इहं सुत्ते ॥३८४५॥
"चम्मं चेव०"["अहवा०"] गाहाद्वयम् । 'वण्णमाई' त्ति बंधण कसिणादी । अमा-नो-ना प्रतिषेधे । किं प्रतिषेधयति ? कसिणाइं चम्माइं धारित्तए वा परिहरित्तए वा । कसिणं णाम सकलं प्रतिपूर्णमित्यर्थः । एत्थ गाहा -
सकलप्पमाण वण्णे, बंधणकसिणे य होइ णायव्वे ।
अकसिणमट्ठारसगं, दोसु वि पासेसु खंडाइं ॥३८४६॥ [नि०]
"सकलप्पमाण०" गाहा । कसिणं चउव्विहं । सकलकसिणं, प्रमाणकसिणं, वण्णकसिणं, बंधणकसिणमिति । एतेसिं विभासागाहा
एगपुड सकलकसिणं, दुपुडादीयं पमाणतो कसिणं । खल्लग खउसा वग्गुरि, कोसग जंघऽद्धजंघा य ॥३८४७॥
