________________
विसेसचुण्णि
[चम्मपगयं अहि विच्चुगविसकंडगमादीहि खयं व होज्ज आयाए । कुंथादि संजमम्मि, जति उव्वत्तादि तति लहुगा ॥३८३३॥ दिट्ठ सलोमे दोसा, णिल्लोमं णाम कप्पती घेत्तुं । गिण्हणे गुरुगा पडिलेह पणग तसपाण सतिकरणं ॥३८३४॥ भुत्तस्स सतीकरणं, सरिसं इत्थीण एयफासेणं ।
जति ता अचेयणम्मि, फासो किमु चेयणे इतरे ॥३८३५॥
"तणपणगम्मि०" [“अहि०""दिट्ठ०""भुत्तस्स०"] गाहा । तणेसु अही होज्जा । विच्छुगो विसकंटगो वा, जत्तिया वावारा उव्वत्तति परियत्तति, हत्थं वा पायं वा संचालेइ तत्तिया चउलहुगा । सेसं गाहासिद्धं । 'इयरे' त्ति इत्थीए ।
सुत्तनिवाओ वुड्डे, गिलाण तद्दिवस भुत्त जतणाए ।
आगाढ गिलाणे मक्खण?, घटे भिण्णे व अरिसाउ ॥३८३६॥ [नि०]
"सुत्तनिवातो०" गाहा । सूत्रनिपातः स्थविरेषु गिलाणे वा । 'जयणाए 'त्ति लोमाइ उवरिं करेति ।
संथारगट्ठ गिलाणे, अमिलादीचम्म घेप्पति सलोमं । वुड्डाऽसहु बालाण व, अच्छुरणट्ठा वि एमेव ॥३८३७॥ कंभारलोहकारेहि, दिवसमलियं तु तं तसविहूणं । उवरिं लोमे काउं, सोत्तुं गोसे समप्यति ॥३८३८॥
"संथारगढ०" ["कुम्भार०"] गाहाद्वयम् कण्ठ्यम् । ‘एमेव' त्ति एमेव घेप्पेज्जा वुड्डाईणं । एय ताव सलोमे भणितं । निल्लोमे इमं – “आगाढ गिलाणे०" गाहापच्छद्धं । अस्य व्याख्या
अवताणगादि णिल्लोम तेल्ल वम्म? घेप्पती चम्मं । घट्ठा व जस्स पासा, गलंतकोढेऽरिसासुं वा ॥३८३९॥ सोणियपूयालित्ते, दुक्खं धुवणा दिणे दिणे चीरे । कच्छल्ले किडिभिल्ले, छप्पतिगिल्ले व णिल्लोमं ॥३८४०॥ "अवताणगादि०" ["सोणिय०"] गाहाद्वयं कण्ठ्यम् ।
