________________
भासगाहा-३७७९-३७८९] | तइओ उद्देसो
५१५ उवस्सए वसितुं । जति सेज्जायरो इच्छति तेण सहाएण समं वसंतो सेज्जातरस्स रत्तिं धम्म कहेति । अणिच्छए एगाणितो वि वसति सव्वरत्तिं परियट्टेति । सो एवं करेंतो विउलाए निज्जराए वट्टति ।
पडिजग्गिया य खिप्पं, दोण्ह सहूणं तिगिच्छ जतणाए। तत्थेव गणहरो अण्णहिं व जयणाएँ तो नेइ ॥३७८५॥
"पडिजग्गिया०" गाहा । एवं तिगिच्छित्ता जतणा य भणिया एस दोण्हं पि सहूणं । जति तत्थेव आसण्णे गणहरो तीसे तत्थ णेति, तं च गणहरं खरंटेंति । अइदूरे जयणाए णेति । का जयणा?
निक्कारणिगिं चमढण, कारणिगिं णेति अहव अप्पाहे ।
गमणित्थि मिस्स संबंधि वज्जिते असति एगागी ॥३७८६॥
"निक्कारणिगि०" गाधा । कण्ठ्या । इत्थीमीसेण सत्थेण समं णेति, असति पुरिसेहिं वि समं संबंधिएहिं, असती एगागी वि णेति ।
न वि य समत्थो सव्वो, हवेज्ज एतारिसम्मि कज्जम्मि ।
कायव्वों पुरिसकारो, समाहिसंधाणणट्ठाए ॥३७८७॥
"न वि य समत्थो०" गाहा । कयायि सो संजतो असहू होज्जा, ण य सव्वो समत्थो एयारिसे कज्जे भवति । तो सा किं छड्डेयव्वा जह अप्पणो सीलखंडणा ण भवति । एय जहा किरिया कज्जति तहा जयणा कायव्वा । सो पुण कहं असहू भवति ?
सोऊण य पासित्ता, संलावेणं तहेव फासेणं । एतेहि असहमाणे, तिगिच्छ जयणाइ कायव्वा ॥३७८८॥
"सोऊण" गाहा । इत्थि अपासंतो वि उल्लावं सोतुं मोहब्भवो जायति कम्मोदएणं । पासित्ता कक्खंतराणि फासेण इत्थीहत्थेण जइ छिवति ताहे सा पुच्छितव्वा-अज्जे ! तुमं सहू असहू ? सा पुण गीयत्था वा होज्ज अगीतत्था वा ।
अविकोविया उ पुट्ठा, भणाइ किं मं न पाससी णियए ? । छगमुत्ते लोलंति, तो पुच्छसि किं सहू असहू ? ॥३७८९॥
