________________
५१४
विसेसचुण्णि [निग्गंथी उवस्सयपवेसपगयं दव्वं तु जाणियव्वं, समाधिकारं तु जस्स जं होति । णायम्मि य दव्वम्मि, गवेसणा तस्स कायव्वा ॥३७७९॥
"दव्वं तु जाणियव्वं०" गाधा । सा पुच्छितव्वा-केण ते समाही ? जं सा भणति तं आणेयव्वं सुद्धं मग्गित्ता, असति पणगपरिहाणीए । इदाणिं पच्छद्धस्स वक्खाणं । "सद्धावणा०" पच्छद्धं । तधा से सद्धा वड्डिज्जति जहा भत्तपच्चक्खाणाभिमुही भवति । भत्ते पच्चक्खाते पडियरिज्जति । णमोक्कारो य से दिज्जति ।
जा ण होति किरियातीता तीए
सयमेव दिट्ठपाढी, करेति पुच्छति अजाणओ वेज्जं । दीवण दव्वादिम्मि य, उवदेसे ठाति जा लंभो ॥३७८०॥ "सयमेव दिट्ठपाढी०" गाहा । कण्ठ्या । रत्ति तेण कहिं वसियव्वं ?
अब्भासे व वसेज्जा, संबद्ध उवस्सगस्स वा दारे । आगाढे गेलण्णे, उवस्सए चिलिमिणिविभत्ते ॥३७८१॥
"अब्भासे व०" गाहा । अब्भासे अन्नम्मि उवस्सए असई एगसंबद्धे, असति दारमूले । “ओणेव्वीए" पच्छद्धं कण्ठ्यम् । तं पुण इमेसि अट्ठाए इमेण वा कारणेण तत्रैव वसति ।
उव्वत्तण परियत्तण, उभयविगिंचट्ठ पाणगट्ठा वा । तक्कर भय भीरू अध, णमोकारट्ठा वसे तत्थ ॥३७८२॥ "उव्वत्तण०" गाहा । कण्ठ्या । 'उभयं'ति उच्चारपासवणं । धिइ बलजुत्तो वि मुणी, सेज्जातर-सण्णि सिज्झगादिजुतो । वसति परपच्चयट्ठा, सलाहणट्ठा य अवराणं ॥३७८३॥ सो निज्जराएँ वट्टति, कुणति य आणं अणंतणाणीणं । स बितिज्जओ कहेती, परियट्टेगागि वसमाणो ॥३७८४॥
"धिति बल०"["सो निज्जराए०"] गाधा । जति वि धिइ बलिओ सो साहू सहा इत्यर्थः । तहा वि सेज्जायरसहायो वसति । सेज्जातरं भणति-मम ण वट्टति एगाणियस्स संजति
१. आगाढे गेलण्णे मुच ।
