________________
५०९
भासगाहा-३७४५-३७५४] तइओ उद्देसो
"कुटुंतरितस्ससती०" गाधा । कण्ठ्या ।
अन्नाए आभोगं, नाएँ ससदं करेंति सज्झायं । अच्चुव्वाया व सुवे, अच्छंति व अन्नहिं दिवसं ॥३७५१॥
"अन्नाए०" गाधा । जई ण केणइ नाया - संजतीणं एक्कपडिस्सए ठित त्ति । ता से तुसिणीता अच्छंति ण सज्झायं करेंति । अध णाता ताधे वेज्जपाढेण परियट्टेति । जति तरंति सव्वं रत्तिं परिहयटेंति ण सुवंति । अध उव्वाया तो सुवंति दिवसतो य अण्णत्थ रुक्खमूलादीसु अच्छंति ।
समणी समण पविटे, निसंत उल्लावऽकारणे गुरुगा । पयला निद्द तुवट्टे, अच्छीमलणे गिही मूलं ॥३७५२॥
"समणी०" गाधा। संजतीणं उवस्सए ठितेसु जइ केणति ण दिट्ठा उल्लावं करेंति । अध करेंति :: ।४ (चतुर्गुरु) अध दिट्ठा तो उल्लावं करेंतु वा मा वा । एवं रत्तिं वसित्ताण, ताधे पए वच्चंति । जाधे न तरंति गंतुं ताहे दिवसओ अन्नत्थ रुक्खमूलादीसु अच्छंति । अध दिवसतो वि न होज्जा अन्नत्थ ठाणं तत्थ अच्छमाणा जति णिद्दांति वा पयलंति वा तो तेच्चेव दोसा।
उच्चारं पासवणं, व अन्नहिं मत्तएसु व जतंति ।
अद्दिष्टुं पविट्ठा वा, अदिट्ठ णितेधरा भयिता ॥३७५३॥
"उच्चारं०" गाहा । उच्चारं पासवणं अन्नत्थ वोसिरंति संजतीणं उच्चारपासवणभूमीए। अधवा मत्तएसु जतंति ।
तत्थऽन्नत्थ व दिवसं, अच्छंता परिहरंति निद्दाई ।
जतनाए व सुविंती, उभयं पि य मग्गए वसहिं ॥३७५४॥
"तत्थऽन्नत्थ व०" गाधा । 'जयणाए सुवंति' त्ति पच्छण्णा सुवंति । 'उभयं पि य मग्गते वसधिं' ति संजतासंजतीओ वि वसधिं मग्गंति । पाहुण त्ति गयं । इदाणिं गणधरे त्ति दारं । गणधरेण अवस्सगंतव्वं अज्जियाण वसधिं । किं कारणं ?
सेज्जायराण धम्म, कहति अज्जाण देंति अणुसद्धिं । कहियम्मि य धम्मम्मि, सव्वे संवेगमावन्ना ॥ (नि०भा० १७२६) दढसोहियओ सेज्जायरो वि अज्जाण संगहं कुणति । तो तेण अज्जियाओ, थिरसंजम दंसणा होंति ॥
