________________
विसेसचुण्णि
[मासकप्पपगयं आगाढकारणेसुं', गुरुमादी ते जया न होहिंति । तइया कहं नु काहिसि, जहा व सो अंधलो थेरो ॥११५२॥ "आगाढकारणेसुं०" गाहा । कण्ठ्या । को सो अंधलयथेरो ? अट्ठ सुय थेर अंधल्लगत्तणं अत्थि मे बहु अच्छी ।
अप्पद्दण्ण पलित्ते, डहणं अपसत्थग पसत्थे ॥११५३॥
"अट्ठस्सु [य] थेर०" गाहा । उज्जेणी नगरी । तत्थ सोमिलो णाम माहणो परिवसइ, सो य अंधलीहूओ। तस्स य अट्ठ पुत्ता, तेसिं अट्ठ भज्जाओ । सो पुत्तेहि भन्नइ-अच्छीणं किरिया कज्जउ । सो पडिभणइ-तुब्भं अट्ठण्हं पुत्ताणं सोलस अच्छीणि, सुण्हाण वि सोलस, एए बत्तीसं, अन्नस्स य परियणस्स जाणि अच्छीणि सव्वाणि ताणि मम, एते चेव बहुया । अन्नया घरं पलित्तं । तत्थ तेहिं अप्पद्दन्नेहिं सो न चाइओ नीणेउं । तत्थेव रडंतो दड्डो । एस अपसत्थो दिटुंतो। मा एवं डज्झिहिसि संसारकंतारे असुभकम्मेहिं ।
सो इमो पसत्थो उवणओ । तत्थेव अंधलयथेरो । नवरं तेणं कारिया किरिया । सो य माणुसयाणं भोगाणं आभागी जाओ । एवं तुम पि पढित्ता कज्जाकज्जं जाणित्ता संसाराओ नित्थरिहसि । तह वि सो णेच्छइ पढिउं, ताहे आयरिया भणंति - पढ अज्जो ! मा एरिसो भवाहि । किं ते न सुओ जवो राया । को सो जवो राया ? तत्थ गाहाओ -
मा एवमसग्गाहं, गिण्हसु गिण्हसु सुयं तइयचक्टुं । किं वा तुमेऽनिलसुतो, न स्सुयपुव्वो जवो राया ॥११५४॥ जव राय दीहपट्ठो, सचिवो पुत्तो य गद्दभो तस्स । धूता अडोलिया गद्दभेण छूढा य अगडम्मि ॥११५५॥ पव्वयणं च नरिंदे पुणरागमऽडोलिखेलणं चेडा । जवपत्थणं खरस्सा, उवस्सओ फरुससालाए ॥११५६॥ ३जासि एसि पुणो चेव, पासेसु टिरिट्टिल्लसि । लक्खिओ ते मया भावो, जवं पत्थेसि गद्दभा ॥११५७॥
१. कारणेहिं मुच । २. आयरियाणं भवंति अ। ३. आधावसी पधावसी, ममं वा वि निरिक्खसी । इति भाष्यवृत्तौ गाथा । ओसक्कसि य अइसक्कसि य बहुसो य पलोएसि । लक्खिओ ते मया भावो, जवं पत्थेसि गद्दभा॥ इति गाथा विशेषचूर्णौ ।
