________________
भासगाहा-११४२-११५१] पढमो उद्देसो
जह ण्हाउत्तिण्ण गओ, बहुअतरं रेणुयं छुभइ अंगे।
सुट्ट वि उज्जममाणो, तह अण्णाणी मलं चिणइ ॥११४७॥
["जह०"] जहा गओ मलापकर्षनार्थम् ण्हाइत्ता उत्तिण्णो समाणो बहुतरं पंसु लाएइ । एवं तमं पि कम्मनिग्घायनिमित्तं पव्वइओ विणा सएणं
'अण्णाणी किं करिस्सइ, किं वा णाही च्छेयपावयं' ति वचनात् [दस० ४-१०] । पवयणिविरुद्धाणि अयाणंतो' बहुतरं कम्मं उवचिणिहिसि । जहा सो गरे ।
जं सिलिपद निदायति, तं लाएति चलणेहिं भूमीए । एवमसंजमपंके, चरणसई लाइ अमुणितो ॥११४८॥
"जं सिलिपद०" गाहा । अहवा इमो सिलीपईदिलुतो । सिलीपई नाम जस्स रोगेण पाया सुझंति वडा भवंति, सो सिलिपई छेत्तं णियायंतो णिद्दिणंति त्ति भणियं होइ । थोवतरं निद्दिणइ बहुतरं सस्सं पाएसु लाएई चमढेइ य । एवं चरित्त सस्सं, अण्णाणि अस्संजमकद्दमे लाएइ । सई नामं सस्सं।
इदाणिं आउरदिटुंतो तइओ । सिस्सो भणइ -
भणइ जहा रोगत्तो, पुच्छति वेज्जं न संघियं पढइ । इय कम्मामयवेज्जे, पुच्छिय तुज्झे करिस्सामि ॥११४९॥ "भणइ जहारोगत्तो०" गाहा उच्चारियसिद्धा । आयरिओ पडिभणइ - भण्णइ न सो सयं चिय, करेति किरियं अपुच्छिउँ रोगी। नायव्वो अहिगारो, तुमं पि नाउं तहा कुणसु ॥११५०॥ "भन्नइ न सो सयं चिय०" गाहा । कण्ठ्या । एवं आयरिएण भणिए, सिस्सो पुणो भणइ - दूरे तस्स तिगिच्छी, आउरपुच्छा उ जुज्जए तेणं ।
सारेहिति सहीणा, गुरुमादि जतो नऽहिज्जामि ॥११५१॥ "दूरे तस्स०" गाहा । कण्ठ्या । एत्थ आयरिओ पडिभणइ -
१. आयरंतो इति चूर्णिवृत्तिसम्मतः पाठः । २. सिलिपई मुच ।
