________________
भासगाहा-११२६-११३२] पढमो उद्देसो
११ एक्कतीसं दिवसा सत्तट्ठि भागा अहोरत्तस्स दिवसा' । एक्कवीसोत्तरं च सयं चउवीसोत्तरसयभागाणं । एएसिं मासाणं करणगाहा -
जुगमासेहिं उ भइए, जुगम्मि लद्धं हवेज्ज नायव्वं ।
मासाणं पंचण्ह वि एयं राइंदियपमाणं ॥[ ] अयणं तेसीतं दिवससयं भवति । बे अयणा वरिसं । तं च तिन्नि च्छासट्ठाणि दिवससयाणि भवंति । पंच संवच्छरा जुगं ति काउं पंचहि गुणिए जायं अट्ठारसदिवससयाणि तीसाणि । एएसिं जुगदिवसाणं नक्खत्तमासे हिं सत्तट्ठीए भागो । जं लद्धं तत्तिया नक्खत्तमासदिवसा भवंति । सत्तावीसं दिवसा एक्कवीसं च सत्तट्ठि भागा दिवसस्स । जुगदिवसाणं चंदमासेहिं बावट्ठीए भागो । जं भावलद्धं तत्तिया चंदमासदिवसा भवंति । एक्कूणतीसं दिवसा बत्तीसं च बासट्ठि भागा दिवसस्स । जुगदिवसाणं कम्ममासेहिं एगट्ठीए भागो, भागलद्धं तीसं दिवसा । जुगदिवसाणं सूरमासेहिं सट्ठीए भागो, भागलद्धं सूरमासदिवसा तीसं दिवसद्धं च । जुगदिवसा तेरसगुणा काउं सत्तहि सएहिं चउचत्तालेहिं भागो । लद्धं दिवसा अभिवड्डियमासस्स एक्कतीसं, अंसगाण य छव्वीसोत्तराणि सत्तसयाणि । छेदो सत्तसयाणि चोयालाणि । उभयोरवि च्छभागेणोव्वट्टियं जायं एक्कवीसोत्तरसय अंसगयं, छेदो चउवीसोत्तरसयं ति । कालमासो गओ।
इदाणिं भावमासो दुविहो-आगमतो नोआगमतो य । आगमतो जाणए उवउत्ते । नोआगमतो जे इमे जीवा मास-मूल-कंद-खंधित्ताए कम्माइं उदिन्नाइं वेदेति त्ति । इह पुण कयरेण मासेण अहिगारो? उच्यते-कालमासेण, तत्थ वि उडुमासेणं । एस सो मासो, जो सो “अपरिक्खेवंसि अबाहिरियागंसि कप्पति निग्गंथाण वा निग्गंथीण वा मासं वत्थए"। [बृ० क० ६] ते य निग्गंथा इमे होज्ज -
जिण सुद्ध अहालंदे, गच्छे मासो तहेव अज्जाणं । एएसिं नाणत्तं, वोच्छामि अहाणुपुव्वीए ॥११३१॥
“जिण सुद्ध०" गाहा । जिणकप्पिया सुद्धपरिहारिया अहालंदिया गच्छवासी अज्जाओ। गाहाए पच्छद्धं उच्चारियसिद्धं । तत्थ जिणकप्पियं पढमं भणइ । तत्थ गाहा -
पव्वज्जा सिक्खापयमत्थग्गहणं च अनियओ वासो । निष्फत्ती य विहारो, सामायारी ठिई चेव ॥११३२॥
१. दिवसा इति नास्ति अ ब । २. पंचहिए अ। ३. सत्तएहिं अ। ४. सपरिक्खेसि मुच ।
