________________
भासगाहा-११०९-१११३] पढमो उद्देसो
निम्मा घर वइ थूभिय, तइओ दुहणा वि जाव पावंति । नाणिस्साहिपइस्स व, जं संठाणं तु सद्दणया ॥११११॥
"संगहियमसंगहिगो०" "निम्मा घर०" । णेगमो दुविहो–संगहिगो असंगहियो य । पढमो संगहिओ । सो पडहच्छेयं संठाणं इच्छति । पडहच्छेयं नाम मल्लयाणं खंडाणं इयराण य, एयं सो इच्छइ । असंगहिओ भित्तिं आई काउं जाव कासवगो ताव इच्छइ । संगहिओ संगहं पविसइ, असंगहिओ ववहारं ति काउं । संगहो जहा संगहिओ इच्छति, ववहारो जहा असंगहिओ। तइओ नाम सुत्तक्कमपामन्नेणं । उज्जुसुओ सो कडयाणं संठाणं निम्माणं ति । निक्खमाणं जं संठाणं घराणं वंदिए वा जं संठाणं । दुहणा नाम जो मालाओ विलिज्जंतओ कुट्टिज्जइ, दुहणेहिं जा घणं भवति, ते उक्खिप्पंता जाव पावंति । एतेसिं पत्तेयं पत्तेयं जं संठाणं इच्छइ । तिण्णि सद्दणया गामत्थाघियारजाणयस्स, गामाहिवइस्स वा जं संठाणं तं इच्छंतिरे | दव्वगामे त्ति दारं गयं ।
इदाणि सेसगामे भावगामवज्जे एक्कगाहाए चेव भणइ -
चउदसविहो पुण भवे, भूतग्गामो तिहा उ आतोज्जो । सोतादिदियगामो, तिविहा पुरिसा पिउग्गामो ॥१११२॥ तिरियामरनरइत्थी, माउग्गामं पि तिविहमिच्छंति । नाणाइतिगं भावे, जओ व तेसिं समुप्पत्ती ॥१११३॥
"चोद्दसविहो पुण०" ["तिरिया०"] गाहा । भूयग्गामो चोद्दसविहो । तं जहासुहुमा पज्जत्तया, सुहमा अपज्जत्तया । एवं बायरा वि पज्जत्तया अपज्जत्तया, बेइंदिया वि पज्जत्तया अपज्जत्तया, तेइंदिया वि पज्जत्तया अपज्जत्तया, चउरिदिया वि पज्जत्तया अपज्जत्तया, पंचेंदिया३ पज्जत्तया अपज्जत्तया, असन्नी पज्जत्तया अपज्जत्तया, पंचेंदिया सन्नी पज्जत्तया अपज्जत्तया ।
आतोज्जग्गामो तिविहो-सज्जग्गामो १ मज्झिमग्गामो २ गांधारग्गामो ३। इंदियग्गामो पंचविहो-सोइंदियग्गामो जाव फासेंदियग्गामो । पितुग्गामो तिविहो - तिरिक्खजोणियप्पुरिसा, मणुस्सपुरिसा, देवपुरिसा । माइग्गामो तिविहो । तं जहा-तिरिक्खजोणिइत्थीओ, मणुस्सित्थीओ, देवित्थीओ।
१. कडुयाणं अ । २. मुच पुस्तके सदस्स इति पाठं स्वीकृत्य व्याख्या वर्तते । ३. पंचेंदिया दुविहा पज्जत्तया इति भाव्यम् ?
