________________
विसेसचुण्णि
[मासकप्पपगयं भावग्गामो णाण-दसण-चरित्तं । जओ वा णाण-दसण-चरित्ताणं उप्पत्तीइ भवइ । के य ते जओ उप्पत्ती हवइ ? उच्यते -
तित्थगरा जिणचउदस, दस भिन्ने संविग्ग तह असंविग्गे। सारूविय वयदंसण, पडिमाओ भावगामो उ ॥१११४॥ चरणकरणसंपन्ना, परीसहपरायगा महाभागा। तित्थगरा भगवंतो, भावेण उ एस गामविही ॥१११५॥
"तित्थगरा०" ["चरणकरण०"] गाहाद्वयं कण्ठयम् । नवरं 'वयदंसण' त्ति कयाऽणुव्वया सावगा दंसणसावया ।
जा सम्मभावियाओ, पडिमा इयरा न भावगामो उ। भावो जइ नत्थि तहिं, नणु कारण कज्जउवयारो ॥१११६॥
"जा सम्मं०" गाहा । पडिमाओ सम्मभावियाओ य, ण वि इयरीओ। आह सिस्सोकहं मिच्छद्दिट्टीपरिग्गहियाओ पडिमाओ भावग्गामो न भवति ? उच्यते-तत्र ज्ञानादीनां भावो नास्ति । आह – ननु कारणे कार्यवदुपचार इति कृत्वा ताओ वि दटुं कस्सइ सम्मुप्पाओ' होज्ज, तो कहं ताओ न भवति भावग्गामो? आयरिओ भणइ -
एवं खु भावगामो, णिण्हगमाई वि जह मयं तुच्छं । एअमवच्चं को णु हु, अव्विवरीतो वदिज्जाहिं ॥१११७॥ जइ वि हु सम्मुप्पाओ, कासइ दट्ठण निण्हए होज्जा। मिच्छत्तहयसईया, तहावि ते वज्जणिज्जा उ ॥१११८॥
"एवं खु भावगामो०" ["जइ वि हु०"] दो गाहाओ उच्चारियसिद्धाओ । तुच्छं निरर्थकमित्यर्थः । “मिच्छत्तहयसईग''त्ति । मिथ्यात्वेन हता स्मृति: दुर्वातेन सस्यवद् येषां ते भवन्ति मिच्छत्तहयसतीका ।
एत्थ कयरेणं गामेणं अत्थाहिगारो ? उच्यते-दव्वग्गामेणं । किं सव्वेण चेव दव्वगामेण अहियारो? उच्यते -
आहारउवहिसयणाऽऽसणोवभोगेसु जो उ पाउग्गो । एवं वयंति गाम, जेणऽहिगारो इहं सुत्ते ॥१११९॥
१. समु अ । २. तुब्भं मुच।
