________________
विसेसचुण्णि
[मासकप्पपगयं गयाओ जाव हम्मियतलायं, रुक्खच्चियाओ विउसहित्ता ताव गयाओ जाव वाडि पत्ताओ, तओ हेट्टाउत्ती भवित्ता ताव गयाओ जाव कूविच्चियाणं अग्गलएहिं सममेव लीणाओ । एस संपुडयमल्लयसंठिओ गामो ।
उत्ताणयखंडमल्लयसंठिओ-जस्स गामस्स तिरिय एग दिसिं कूवो, तओ तं एक्कं कूवदिसं मोत्तुं सेसासु सत्तसु दिसासु रज्जूओ निग्गंतुं वाडि पावित्ता तओ उवरिहुत्ती भवित्ताणं ताव गयाओ जाव हम्मियतलाइं, तत्थ पडहच्छे एणं उवरया ओवरयाओ । एस उत्ताणयखंडमल्लयसंठिओ।
ओमंथयखंडमल्लयसंठिओ वि एवं चेव । णवरं तिरियं एक्कदिसिं रुक्खो उच्चो देवकुलं वा, तओ रज्जूओ ओसरित्ता वाडि पत्ताओ, ताहे हेट्ठाहुत्ती होऊण मूलं पाडेसु पडहच्छेदेणं उवरमंति।
संपुडमल्लयसंठिओ - जस्स गामस्स पासे एगदिसिं अगडो भवति तस्स य अगडस्स उवरिं रुक्खो, तओ कूवहेट्ठियाओ निग्गंतूण मूलपाडे घेत्तूणं तिरियं वाडि जाव गंता उवरिहुत्ताओ रुक्खच्चियाओ वि हम्मियग्गे छेदेंतीओ हेटाहत्तीओ गंता कुविच्चियाणं मिलियाओ।
भित्तिसंठिओ - जस्स गामस्स पुव्वे अवरे य पासे समे सेढीए रुक्खा ठिया सो भित्तिसंठिओ गामो। पडालीसंठिओ एवं चेव, नवरं तस्स दाहिणुत्तरेसु पासेसु रुक्खा समसेढीपेढिया, सो पडालीसंठिओ । वलभीसंठिओ-जस्स चउस्स वि कोणेसु ईसिं आयया रुक्खा ठिया । अक्खाडयसंठिओ-जस्स गामस्स दाहिण-पुरस्थिमे, दाहिण-पच्चत्थिमे, उत्तरपच्छत्थिमे, उत्तर-पुरत्थिमे य रुक्खा भवंति । रुयगसंठियो-जो गामो जंबुद्दीवे परिरयसंठिएहिं रुक्खेहिं वेढिएल्लओ । जइ वि गामो विसमो तह वि रुक्खा वट्टा ठिएल्लया । कासवगसंठिओतंससंठाणो गामो निविट्ठो। कासवओ नाम पहावियछुरस्स घरओ। एए ताव संठाणा वक्खाणिया।
इयाणिं को णओ कं संठाणं इच्छति ? त्ति एवं भणइ । तत्थ गाहा - पढमत्थ पडहछेदं, आ कासव कडगकोट्टिमं तइओ। नाणिं आहिपतिं वा, सद्दनया तिन्नि इच्छंति ॥११०९॥ [नि०] "पढमेत्थ पडहछेदं०" गाहा । एयस्स विभासागाहाओ दो -
संगहियमसंगहिओ, संगहिओ तिविह मल्लयं नियमा। भित्तादी जा कासवों, असंगहो बेति संठाणं ॥१११०॥
१. समसेढिए ठिआ इति भाव्यम् ?
