________________
भासगाहा-१०९७-११०८]
पढमो उद्देसो तस्सेव उ गामस्सा, को कं संठाणमिच्छति नओ उ। तत्थ इमे संठाणा, हवंति खलु मल्लगादीया ॥११०२॥ "तस्सेव उ०" गाहा । कण्ठ्या ।।
उत्ताणग ओमंथिय, संपुडए खंडमल्लए तिविहे। भित्ती पडालि वलभी, अक्खाडग रुयग कासवए ॥११०३॥
"उत्ताणग ओमंथिय०" गाहा । अस्थि गामो उत्ताणयमल्लयसंठिओ । अत्थि गामो ओमंथियमल्लयसंठिओ। अस्थि गामो संपडयमल्लयसंठिओ।"खंडमल्लए तिविहे"त्ति । एए चेव तिण्णि गामा खंडमल्लएणं नेयव्वा । अत्थि गामो उत्ताणयखंडमल्लयसंठिओ, अत्थि गामो ओमंथियखंडमल्लयसंठिओ, अत्थि गामो संपुडयखंडमल्लसंठिओ । अत्थि गामो भित्तिसंठिओ, अत्थि गामो पडालिसंठिओ, अत्थि गामो वलभीसंठिओ, अत्थि गामो अक्खाडयसंठिओ, अस्थि गामो रुयगसंठिओ, अत्थि गामो कासवयसंठिओ। एएसि पयाणं इमाओ पंच वक्खाणगाहाओ -
मज्झे गामस्सऽगडो, बुद्धिच्छेदा ततो उ रज्जूओ। निक्खम्म मूलपादे, गिण्हतीओ वइं पत्ता ॥११०४॥
ओमंथिए वि एवं, देउल रुक्खो व जस्स मज्झम्मि । कूवस्सुवरि रुक्खो, अह संपुडमल्लओ नाम ॥११०५॥ जइ कूवाई पासम्मि होंति तो खंडमल्लओ होइ । पुव्वावररुक्खेहिं समसेढीहिं भवे भित्ती ॥११०६॥ पासट्ठिए पडाली, वलभी चउकोण ईसि दीहा उ। चउकोणेसु जइ दुमा, हवंति अक्खाडतो तम्हा ॥११०७॥ वडागारठिएहिं, रुयगो पुण वेढिओ तरुवरेहिं । तिक्कोणो कासवओ, छुरघरगं कासवं बिंती ॥११०८॥
"मज्झे गामस्स०" ["ओमंथिए०" "जइ कुवाई." "पासट्ठिए०" "वट्टागार०"] गाहा । जस्स गामस्स मज्झे कूओ तओ कूवस्स हेट्ठिल्लतलाओ बुद्धिछेदेणं रज्जूओ दिसविदिसाहित्तो निष्क्राम्य घराणं मूलपाडे उवरिं काउं तिरियं ताव गयाओ जाव वाडि पत्ताओ। तओ उवरिहत्तीओ होऊणं ताव गयाओ जाव घराणं मूलपाडे, तत्थ पडहच्छेएणं उवरयाओ संपुडमल्लयसंठिओ ।
- जस्स गामस्स मज्झे कूओ तस्स य कूवस्स उवरिं रुक्खो उच्चो, तओ कूवाओ रज्जूओ निग्गंतूणं मूलपाडे गेण्हतीओ ताव गयाओ जाव वाडि पत्ताओ । तओ उवरिहत्तीओ होऊण ताव
