________________
भासगाहा-३१६४-३१७५] पढमो उद्देसो
४०१ उम्मत्तगा तत्थ विचित्तवेसा, पढंति चित्ताऽभिणया बहूणि ।
कीलंति मत्ता य अमत्तगा य, तत्थित्थि पुंसा सुतलंकिता य ॥३१७०॥
"उम्मत्तगा०" गाहा । मत्ता उम्मत्ता य तहिं हिंडंति, वेउव्विया य तत्थ बद्धल्लएहिं पडसाडएहिं आभरणेहिं य हिंडंति । 'चित्ताभिणय' त्ति हत्थादीहिं दाएंता पढंति, विचित्ताणि सिंगाराणि । वाहण-जाणा दो वि एक्कगाहाए वक्खाणेइ -
आसे रहे गोरहगे य चित्ते, तत्थाभिरूढा डगणे य केइ । विचित्तरूवा पुरिसा ललंता, हरंति चित्ताणऽविकोविताणं ॥३१७१॥
"आसे रहे०" गाहा । कण्ठ्या । जुग्गादी जाणा, डगणा जाणप्रगारा । तत्थ ईसरपुत्ता दट्ठणं भुत्ताणं दोसा, इमे य दोसा -
सामिद्धिसंदंसणवावडेण, विप्पस्सता तेसि परेसि मोक्खे । तत्थोतपोतम्मि समंततेणं, भिक्खावियारादिसु दुप्पयारं ॥३१७२॥
"सामिद्धि०" गाहा । सामिद्धीए समस्तं दर्शनम् । वावडेणं सामिद्धिदंसणेणं व्याक्षिप्त चित्तेणेति वाक्यशेषः । इमं पेक्खामि विविधमणेकप्रकारं वा द्रव्यत: विपश्यतो तार्सि परेसिं तेसि सेटिमादीणं रिद्धीओ 'मक्ख' त्ति सोभणाओ, 'दप्पयारं'ति वीयारादिसु दुक्खं निग्गच्छिज्जइ । जम्हा एए दोसा तम्हा न गंतव्वं । एत्थ सीसो पुच्छइ -
दोसेहिं एत्तिएहिं, अगेण्हंता चेव लग्गिमो अम्हे । गेण्हामु य भुंजामु य, ण य दोस जहा तहा सुणसु ॥३१७३॥ "दोसेहिं०" गाहा । पुव्वद्धस्स गाहा व्याख्या -
अपरिग्गहिय अभुत्ते, जति दोसा एत्तिया पसज्जंती । इत्थं गते सुविहिया, वसंतु रणे अणाहारा ॥३१७४॥
"अपरिग्गहिय०" गाहा । गच्छंताणं चेव संखडी अपरिग्गहिए भत्ते अभुत्ते य । सेसं कण्ठ्यम् । “इत्थं गए"त्ति । 'गेण्हामु य भुंजामु य' आयरियवयणं । दो चेव गाहा -
दोसे चेव विमग्गह, गुणदेसित्तेण णिच्चमुज्जुत्ता ।
ण हु होति सप्पलोद्धी, जीविउकामस्स सेयाए ॥३१७५॥
"दोसे चेव०" गाहा । आयरिओ भणइ-एगंतेण तव दोसा रुच्चंति गुणद्वेषिणो न गुणवृद्धिमिच्छामि । जहा सप्पलोद्धियस्सा ण होइ सेआ सप्पलोद्धी सर्पगृह्णक इत्यर्थः । एवं तव वि ण होइ सेआए गुणद्वेषिणः । यत्त्वयोक्तम्-वसन्तु रण्णे अणाहारा अस्योत्तरं -
