________________
४००
विसेसचुण्णि
[संखडिपगयं आवासगं तत्थ करेंति दोसा, सज्झाय एमेव य पेहणम्मि । उहुंच वारेंतमवारणे य, आरोवणा ताणि अकुव्वओ जा ॥३१६४॥ जं मंडलिं भंजइ तत्थ मासो, गारत्थिभासासु य एवमेव । चत्तारि मासा खलु मंडलीए, उड्डाहो भासासमिए वि एवं ॥३१६५॥ थोवे घणे गंधजुते अभावे, दवस्स वीयारगताण दोसा । आवायसंलोगगया य दोसा, करेंतऽकव्वं परितावणादी ॥३१६६॥ गिलाणतो तत्थऽतिभुंजणेण, उच्चारमादीण व सण्णिरोधा ।
अगुत्तसिज्जासु व सण्णिवासा, उड्डाह कुव्वंतिमकुव्वतो य ॥३१६७॥
"आवासग०" दारगाहा। ["आवासगं०" "जं मंडली०""थोवे घणे" "गिलाणतो."] एयाए वक्खाणं वृत्तसिद्धं । अकुव्वओ जाव ताणि पदाणि अकरेंताणं आरोवणा पुव्वनिद्दिट्ठा । “चत्तारि०" गाहापच्छद्धं । सागारिए मंडलीए समुद्दिसंति :: ४ (चतुर्लघु), उड्डाहो य । असंजयभासाए वि :: ४ (चतुर्लघु) । 'धारेंतऽगारीण य काइए' त्ति' जइ काइयं धरेइ आयविराहणा, अह वोसिरति, असईए दवस्स थोवेण वा गंधजुत्तेण उड्डाहो अगारिओ य खद्धे वेउव्वेए मुच्छाए । इदाणिं 'गिलाणे' अस्य व्याख्या । गिलाणो तत्थ अइभुंजणेणं जाओ उच्चारं जइ करेइ उड्डाहो । 'अकुव्वओ' त्ति जइ ण करेइ आयविराहणा।
बहिया य रुक्खमूले, छक्काया साण तेण पडिणीए । मत्तुम्मत्त विउव्वण, वाहण जाणे सतीकरणं ॥३१६८॥ [नि०] "बहिया य०" दारगाहा । पुव्वद्धस्स व्याख्या - मा होज्ज अंतो इति दोसजालं, तो जाति दूरं बहि रुक्खमूले । अभुज्जमाणे तहियं तु काया, अवाउते तेण सुणा य णेगे ॥३१६९॥
"मा होज्ज०" गाहा । अह एए दोसा परिहरामो त्ति रुक्खमूले टुंति तत्थ छक्कायासचित्तरओ, सिणेहो, तेऊ, संघरिसेणं, वणप्फइविराहणा-फलं पुप्फ वा पडेइ, तसा य तन्निस्सिता बेइंदियादि विराहेंति, अटुिं वा दारुं वा पडइ, आहण्णेज्ज तेणं, साणो वा भाणं हरेज्ज, साणेहिं वा खज्जेज्ज, तेणा वा दुविहा जं काहिंति तं निप्फन्नं । अवाउडे असंवरिए इत्यर्थः । पडिणीओ वा हरेज्ज मारेज्ज वा । 'मत्तुम्मत्तविउव्वणा' अस्य व्याख्या -
१. इदं प्रतीकं न दृश्यते मुच 'थोवे घणे० ' इति वृतस्यान्तिमं पदं भविष्यति ? । २. नक्ख अ ब इ । ३. हणेज्ज अब इ ।
