________________
भासगाहा-३०३८-३०५२] पढमो उद्देसो
३७९ किं मण्णे निसि गमणं ?, जतीण सोहिंति वा कहं इरियं ? । जइवेसेण व तेणा, अडंति गहणाइ उड्डाहो ॥३०४४॥ संजमविराहणाए, महव्वया तत्थ पढम छक्काया । बिइए अतेण तेणं, तइएँ अदिन्नं तु कंदाई ॥३०४५॥ दियदिन्ने वि सचित्ते, जिणतेनं किमुय सव्वरीविसए । जेसिं व ते सरीरा, अविदिन्ना तेहिं जीवेहिं ॥३०४६॥ पंचम अणेसणादी, छठे कप्पो व पढम बिइया वा । भग्गवउ त्ति य जातो, अपरिणतो मेहुणं पि वए ॥३०४७॥ रीयादऽसोहि रत्तिं, भासाए उच्चसद्दवाहरणं । न य आदाणुस्सग्गे, सोहएँ कायाइ ठाणाई ॥३०४८॥
["किं मण्णे०" "संजमविराहणाए०" "दियदिण्णे०" "पंचमे०" "रीयादऽसोही०"] सेसं गाहासिद्धमेव । 'पंचमे' त्ति अणेसणिज्जं गेण्हंतस्स परिग्गहो भवइ । 'पढम बिइया व' त्ति । पढमबिइया आउरा वा रत्तिं भुजेज्ज पिएज्ज वा, ठाणनिसीयणादि वा करेंतो ण सोधेइ आयविराहणा ।
वाले तेणे तह सावए य विसमे य खाणु कंटे य ।
अकम्हाभयं आयसमुत्थं, रत्तिं मग्गे भवे दोसा ॥३०४९॥ "वाले तेणे०" गाहा । कण्ठ्या । अकम्हाभयं अहेतुकं । बिइयपदे -
कप्पड़ गिलाणगट्ठा, रत्तिं मग्गो तहेव संझाए । पंथो य पुव्वदिट्ठो, आरक्खिओं पुव्वभणिओ य ॥३०५०॥ "कप्पइ गिलाण" गाहा । कण्ठ्या । इदाणिं पंथं भणइ -
दुविहो य होइ पंथो, छिन्नद्धाणंतरं अछिन्नं च । छिन्नम्मि नत्थि किंची, अछिन्न पल्लीहिं वइगाहिं ॥३०५१॥ छिन्नेण अछिन्नेण व, रत्तिं गुरुगा य दिवसतो लहुगा । उद्दद्दरे पवज्जण, सुद्धपदे सेवती जं च ॥३०५२॥
