________________
॥ अद्धाणपगयं ॥ [सुत्तं] नो कप्पइ निग्गंथाणं वा निग्गंथीण वा राओ वा वियाले वा अद्धाणगमणं एत्तए ॥१-४६॥
सम्बन्धे - हरियाहडियट्ठाए, होज्ज विहेमाइयं न वारेमो । जं पुण रत्तिं गमणं, तदट्ठ अन्नट्ठ वा सुत्तं ॥३०३८॥ अहवा तत्थ अवाया, वच्चंते होज्ज रत्तिचारिस्स । जइ ता विहं पि रत्ति, वारेतऽविहं किमंग पुणो ? ॥३०३९॥ इहरा वि ता न कप्पइ, अद्धाणं किं तु राइविसयम्मि ।
अत्थावत्ती संसइ, कप्पइ कज्जे दिया नूणं ॥३०४०॥
"हरियाहडियट्ठाए०" ["अहवा तत्थ०" "इहरा वि०"] गाहाद्वयं कण्ठ्यम् । अर्थप्राप्तं संसति२ जायते इत्यर्थः ।
अद्धाणं पि य दुविहं, पंथो मग्गो य होइ नायव्वो । पंथम्मि नत्थि किंची, मग्गो सग्गामा गुरु आणा ॥३०४१॥
"अद्धाणं०" गाहा । तत्थ पंथो जेण गम्ममाणो नत्थि गामनगरा पल्लीवइयाओ वा मग्गो जेण गम्ममाणेण गामादीणि अत्थि, असुन्नं रत्तिं दोसु वि गुरुया, आणादि । अस्य व्याख्या -
तं पुण गम्मिज्ज दिवा, रत्तिं वा पंथ गमण मग्गे वा । रत्तिं आएसदुगं, दोसु वि गुरुगा य आणादी ॥३०४२॥
"तं पुण०" गाहा । दिवसओ रत्तिं वा पंथमग्गं वा गमेज्ज । आदेसदुयं णाम राइवियालं च । तत्थ मग्गं ताव भण्णइ -
मिच्छत्ते उड्डाहो, विराहणा होइ संजमाऽऽयाए ।
रीयाइ संजमम्मी, छक्काय अचक्खुविसयम्मि ॥३०४३॥ "मिच्छत्ते०" गाहा । आदिग्गहणेणं सव्वाओ वि समितिओ ।
१. नो कप्पड़ उभयस्स वि अ ब क ड इ । २. संप्रति ब ।
