________________
पढमो उद्देस
अट्ठाई तत्थ वि, काउ सपल्लि इतरीसु वा घेत्तुं । सत्थेणेव जणवयं, उविंति अह भद्दए जयणा ॥ ३०३५॥
भासगाहा - ३०२९-३०३७]
" अणुसट्टाई ० " गाहा । अणुसट्ठादीहिं मग्गित्ता जइ तओ चेव सत्थो लब्भइ तओ जनपदं गम्मइ । अह न लब्भइ तो कप्पियारेण समं पढमं पल्लि आगंतुं सत्थेण समं जणपयं गम्मइ ।
फड्डगपइए पंते, भांति सेणावई तहिं पंते । उत्तरउत्तर माडंबियाइ जा पच्छिमो राया ॥ ३०३६॥
३७७
"फड्डगपइए० " गाहा । मूलपल्लीतो जाओ अन्नाओ पल्लीओ जासि अहिवा तस्सेव मूलपल्लीपतिस्स वसे वट्टंति ते फड्डगपइणो भण्णंति । तम्मि पंते अदेमाणे मूलसेणावई विन्नविज्जइ । सो दवावेइ । अह सव्वे वि पंता ताहे जो अन्नो तेसिं सव्वेसिं वसायइ सो विणविज्जइ । एवं उत्तरुत्तरं जाव राया विभासा । बुद्धीए जं जं मग्गइ ण वा धोवादिकाउं गेण्हंति तत्थ ततो चउलहुयं । गाहा " अणु?" पच्छद्धं । अस्य व्याख्या -
वसिमे वि विवित्ताणं, एमेव व वीसुकरणमादीया । वोसिरे चउलहुगा, जं अहिगरणं च हाणी वा ॥३०३७॥
" वसिमे वि० " गाहा । न केवलं अद्धाण विवित्ताणं जं एतं हरियाहडिया सुत्तस्स अत्थ भणिओ, एयस्स उवदेसो कायव्वो । वसंतजणवए विवित्ताणं एसो चेव विही । संजईणं अगीतत्थपच्चयनिमित्तं वीसुं कप्पइ । अत्तणयं च अहाकडादी वीसुं एवमादी सव्वं । तहेव जइ ण उग्गमेंति चउलहुया, जं अधिकरणनिप्फन्नं पावंति । जं च उवगरणेणं विणा पाविर्हिति तन्निष्फण्णं, तम्हा पच्छित्तं परिजाणामि, आणादि परिहरिया भवंति, मग्गित्ता घेत्तव्वं ।
॥ हरियाहडियापगयं समत्तं ॥
१. " गामाणु " ( गा० ३०३३) इति भाव्यम् ? |
