________________
३७६ विसेसचुण्णि
[हरियाहडियापगयं हरियाहडिया सुविहिय !, पंचवन्ना वि कप्पई घेत्तुं ।
परिभुत्तमपरिभुत्ता, अप्पाबहुगं वियाणित्ता ॥३०२९॥ "हरियाहडिया०' गाहा । कण्ठ्या । सूत्रेणैवापदिष्टं कल्पत इत्युक्तम् ।
आधत्ते विक्कीए, परिभुत्ते तस्स चेव गहणं तु ।
अन्नस्स गिण्हणं तस्स चेव जयणाए हिडंति ॥३०३०॥
"आधत्ते" गाहा । कप्पइ तेहिं तेणएहि आधत्ता होज्ज, ताहे भणेज्ज–अन्नं देमो। ण घेत्तव्वं तं चेव देह, जइ सव्वपगारेण वि तं चेव ण लब्भइ ताहे अणवत्थवारणानिमित्तं अन्नं पि घेप्पइ, तं पुण जइ संथरंति तो परिवेयव्वं । 'जयणाए' त्ति । अधिपइस्स ससंतपएहि समं मग्गंति ।
अन्नं च देइ उवहिं, सो वि य नातो तहेव अन्नातो । सुद्धस्स होइ गहणं, असुद्धि घेत्तुं परिट्ठवणा ॥३०३१॥ "अन्नं च०" गाहा । अस्य व्याख्या - तं सिव्वणीहि नाउं, पमाण हीणाहियं विरंगं वा । इतरोवहिं पि गिण्हइ, मा अहिगरणं पसंगो वा ॥३०३२॥
"तं सिव्वणीहि०" गाहा । कयाइ अन्नेसिं संजयाणं संतगं उवगरणं देज्जा । तं पुण संविग्गाण वा असंविग्गाण वा होज्ज, तं अणवत्थावारणाणिमित्तं घेत्तव्वं । तत्थ जो संविग्गाणं सो पडिदिज्जइ । अह ते विदेसं गया तो जइ न संथरंति परिभुज्जइ । अह संथरंति परिविज्जइ । एवं असंविग्गाण वि।
अन्नस्स व पल्लीए, जयणा गमणं तु गहण तह चेव । गामाणुगामियम्मि य, गहिए गहणे य जं भणियं ॥३०३३॥
"अन्नस्स व०" गाहा । कयाइ अन्नाए पल्लीए मोसस्स अद्धं णीयं होज्ज । अस्य व्याख्या -
तत्थेव आणवावेइ तं तु पेसेइ वा जहिं भद्दो ।
सत्थेण कप्पियारं, व देइ जो णं तहिं नेइ ॥३०३४॥
"तत्थेव०' पूर्वार्द्ध कण्ठ्यम् । अह समत्थो आणवावेउं ताहे सो चेव मणुस्सं मग्गिज्जइ । सत्थेण वा समं पल्लिं गम्मइ ।
