________________
३८०
विसेसचुण्णि
[अद्धाणपगयं उद्दद्दरे सुभिक्खे, खेमे निरुवद्दवे सुहविहारे । जइ पडिवज्जति पंथं, दप्पेण परं न अन्नेणं ॥३०५३॥ आणा न कप्पइ त्ति य, अणवत्थ पसंगताए गणणासो । वसणादिसमावण्णे, मिच्छत्ताराहणा भणिया ॥३०५४॥ वाय खलु वाय कंडग, आवडणं विसमखाणुकंटेसु । वाले सावय तेणे, एमाइ हवंति आयाए ॥३०५५॥
"दुविहो य होइ०" [“छिन्नेण०" "उद्दद्दरे सुभिक्खे०" "आणा." "वाय खलु०"] गाहाओ कण्ठ्याओ । उद्दद्दरे पव्वज्जइ ::। ४ (चतुर्गुरु) सुद्धं सुद्धेण तं जं च सेविज्जइ । खलुया वा वाएण गेझंति । 'वातकंड' त्ति । जंघाए वाएण कंडया उडेति । एस आयविराहणा । इमा संजमविराहणा -
छक्कायाण विराहण, उवगरणं बालवझसेहा य । पढमेण व बिइएण व, सावय तेणे य मिच्छा य ॥३०५६॥
"छक्काया०" गाहा । संजमविराहणा छक्कायं प्रति भवति । 'उवकरण' त्ति एतस्स वक्खाणं -
उवगरणगेण्हणे भारवेदणा तेण गुम्मि अहिगरणं । रीयादि अणुवओगो, गोम्मिय भरवाह उड्डाहो ॥३०५७॥
"उवगरणगेण्हणे" गाहा । कण्ठ्या । अह उज्झइ उवकरणं जं तेण उवकरणेणं विणा तं पाविहिंति । भारक्कंता तेणाणं गम्मा भवंति । अहिकरणं जइ सुस्संति गोमिया चिंतेंति उल्लावेंति य-अहो बहुलोभा भारवाहा य एए । एवं उड्डाहो । बाल-वुड्ड-सेहा पढम-बिइएहिं परियाविज्जंति, मेच्छेहिं हीरंति ।
चम्मकरग सत्थादी, दुलिंग कप्पे अ चिलिमिणिअगहणे । तस विपरिणमुड्डाहो, कंदाइवधो य कुच्छा य ॥३०५८॥
"चम्मकरग०" गाहा । जइ सत्थकोसागा' 'दुलिंगि' त्ति गिहत्थलिंगं अन्नपासंडलिंगं च । 'कप्पे' त्ति अद्धाणकप्पं चिलिमिलि त्ति काउं दंडचिलिमिली जेण उज्झइ । एएसिं अग्गहणे तसघातो, चम्मकरग अग्गहणे विप्परिणामो, कहं भवइ ?
१. सत्थादी मुच ।
