________________
३५८
विसेसचुण्णि
[राईभत्तपगयं "मज्झे व०" गाहा । मज्झे णिउयस्स (?) देवकुलं, आइगहणेणं कोट्ठगसालाओ। एयासु दिवसओ विहिए ठिया, अहवा बाहिरियाए एएसु चेव दिवसओ ठियाणं इमो उवघातो होज्ज । कहं ? ते ठिए दट्ठण लोगो भणेज्ज-किं तुब्भे एत्थ ठिया ? एत्थ रत्तिं सीहभओ, अहवा मक्कोडया रत्तिं उठेंति, अयगरो वा रत्तिं गिलइ, साणे वा खायइ रत्तिं । एत्थ व्याख्या गाहा -
दिवसट्ठिया वि रत्तिं, दोसे मक्कोडगाइए नाउं । अंतो वयंति अन्न, वसहिं बहिया व अंता उ ॥२९३१॥ पुव्वट्ठिए व रत्तिं, दट्ठण जणो भणाइ मा एत्थं । निवसह इत्थं सावयतक्करमाइ उ अहिलिंति ॥२९३२॥ इत्थी नपुंसओ वा, खंधारो आगतो त्ति अइगमणं । गामाणुगामि एहि वि, होज्ज विगालो इमेहिं तु ॥२९३३॥
“दिवसट्ठिया वि०" ["पुव्वट्ठिए व०" "इत्थी नपुंसओ०"] गाहा । कण्ठ्या । 'अंतो वयंति 'अन्नं' ति अंतो ठिया वाघाएण अंतो चेव अन्नं वसहिं गेण्हंति, असईए बाहिरियाए गच्छंति । एवं बाहिरियाए वि ठियाणं । 'इत्थी नपुंसओ' त्ति । इत्थी वा णपुंसगो वा एत्थ रत्तिं उवसग्गं करेंति आगंतुं, खंधावारो वा आगच्छेज्ज । एतेहिं वा कारणेहिं बाहिंतो अंतो अणुपविसेज्ज । "गामाणु०" अद्धं गामाणुगामं दूइज्जमाणाणं वरिसं होज्ज, जेहिं सुत्तणिवाओ ग्रामादन्यो ग्रामः । इमेहिं कारणेहिं -
वितिगिट्ठ तेण सावय, फिडिय गिलाणे व दुब्बल नई वा ।
पडिणीय सेह सत्थे, न उ पत्ता पढमबिइयाई ॥२९३४॥
“वितिगिट्ठ०" गाहा । वितिगिटुं दूरं आगंतव्वं । तेणा दुविहा सावया वा, सत्थातो फिडिया, पंथातो फिडिता, साहू वा कोइ फिडितो जाव मग्गित्ता लद्धो ताव धिरिहयं, गिलाणो वा साहू अहणुट्ठियओ सणियं एइ, दुब्बलो = सभावे चेव किसदेहो तेण न सक्के सिग्धं गंतं. नदी वा पुण्णा जाव ओहट्टति परिहरिज्जइ वा, पडिणीएण वा पंथो रुद्धो, ताहे परिरएणं आगया, सेहो वा उप्पन्नो, सो पंथे पडिक्खिओ, सत्थो वा सणियं एइ । एएहिं कारणेहिं वियाले पत्ता गामं । पढम-बिइयग्रहणं यत्तदपदिष्टं ओहनिज्जुत्तीए "पढमबिइयासु गमणं [गहणं] पडिलेहणा पवेसो य?'' (गा० १८२) एतत् सूचितं तं । एतेसु कारणेसु पढमबिइयासु न पत्ता
१. काले संघाडेगो वडसंथरंताण तह चेव ॥ इत्युत्तरार्धम् ।
