________________
३५६
विसेसचुणि
[ राईभत्तगयं
मयकलेवरं पडियं । पच्छा मद्दणादीसु । पच्छा 'पस्संदणे' त्ति उस्त्रेणोरे पवाओ जहा उज्जेंते, पव्वयाओ वा जत्थ पडइ, पच्छा आयवेण जं तत्तं, तदपि वहतं, असइ अवहंतगं पि । मद्दणि इमेसु -
जड्डे खग्गे महिसे, गोणे गवए य सूयर मिगे य । उप्परिवाडी गहणे, चाउम्मासा भवे लहुगा ॥२९२३॥
" जड्डे खग्गे० " गाहा । कण्ठ्या ।
[सुतं ] [ नो कप्पइ निग्गंथाण वा निग्गंथीण वा राओ वा वियाले वा असणं वा पाणं वा खाइमं वा साइमं वा पडिगाहित्तए ॥१-४२॥]
नऽन्नत्थ एगेणं पुव्वपडिलेहिएणं सिज्जासंथारएणं ॥१-४३॥
सुत्तमुच्चारेयव्वं अपवादिकमिदं सूत्रं । उस्सग्गे पुण जइ राओ सेज्जासंथारगं गेहइ तो
इमं भवइ
-
रातो सिज्जासंथारग्गहणे, चउरो मासा हवंति उग्घाया । आणाइणो य दोसा, विराहणा संजमाऽऽयाए ॥ २९२४॥ [ नि० ]
-
" रातो सिज्जासंथारगाहणे० " गाहा । सेज्जा एव संथारकः । तत्थ संजमविराहणा इमा - छक्कायाण विराहण, पासवणुच्चारमेव संथारे ।
पक्खलण खाणु कंटग, विसम दरी वाल गोणे य ॥२९२५ ॥
‘“छक्कायाण०” अद्धगाहा । अप्पडिलेहिए उच्चारपासवणभूमीए वोसिरंतस्स छक्कायविराहणा । अह न वोसिरति आयविराहणा । जत्थ वोसिरइ तत्थ बिलाओ निग्गंतूण दिग्घजाइए वि खज्जेज्ज एवं आयविराहणा वि तहेव । 'संथारे' त्ति अप्पडिलेहियाए संथार भूमीए एवं चेव छक्कायविराहणा, बिलाओ य आयविराहणा होज्ज । इमा अन्ना आयविराहणा-‘“पक्खुलण" ०" अद्धगाहा खाणुएहिं णिण्णुन्नतेहिं विसमेहिं दरिओ-उरणगा तेहिं पक्खुलेज्ज । तत्थ कंटएहिं विज्झेज्ज, वाला - सप्पा तेहिं खेज्जेज्ज, गोणे य अभिहणेज्ज । एरंडइए साणे, गोम्मिय आरक्खि तेणगा दुविहा । एए हवंति दोसा, वेसित्थिनपुंसएहिं पि ॥ २९२६॥
" एरंडए० " गाहा । अलक्कडयओ ऐरेंढइयओ गोमिएहिं ' घेप्पेज्ज । 'तेणग' त्ति
१. मुदयकलेवरं अ ब क इ मुदयकारं तिलेवरं ड । २. पासंदणे मुच । ३. उस्त्रोणो ड उसिणाएत्ति इत्यधिकं अ । ४. मद्दणाइसु इति मुच मलवृ० । ५. पक्खलण मुच । ६. नपुंसएसुं वा मुच । ७. = हडक्कयितं इत्यर्थः चूर्णि । ८. = रक्षपालैः (मलवृ) ।
