________________
भासगाहा-२९१४-२९२२] पढमो उद्देसो
३५५ इदाणिं रुक्खादीणं पलोयण त्ति (गा० २९०६) दारं । आदिग्रहणं क्रियते । रुक्खे दुरूहित्ता पल्लीओ पलोयंति अदीसंतीसु । ताहे -
फासुग जोणिपरित्ते, एगट्ठि अबद्ध भिन्न भिन्ने य । बद्धट्ठिए वि एवं, एमेव य होइ बहुबीए ॥२९१८॥ एमेव होइ उवरिं, एगट्ठिय तह य होइ बहुबीए ।
साहारणं सभावा, आदीएँ बहुगुणं जं च ॥२९१९॥
"फासुय०" ["एमेव होइ०"] गाहाद्वयम् । फासुकग्रहणात् भावओ भिन्नं नायव्वं । जोणिपरित्त-ग्रहणात् पत्तेयसरीरफलं नायव्वं । 'एगट्ठिय' त्ति एगट्ठियरुक्खफलं नायव्वं, तं अबद्धट्ठियं तरुणगमित्यर्थः१ । 'भिन्नं' ति दव्वंओ भिन्नं गेण्हंति । एस चउत्थे । तस्स अलंभे 'अभिन्ने'त्ति दव्वओ अभिन्नं तइयभंगियं गेण्हंति । अबद्धट्ठियस्स अलंभे बद्धट्ठियं पि, अलंभे बहुबीयगं पि, अलंभे अणंतस्स चउत्थभंगं, तइयभंगं च । अलंभे पत्तेयसरीराण बिइयभंगं, अलंभे पढमभंगं पि, अलंभे साहारणाण बिइयभंगं, अलंभे पढमभंगं पि । एए हेट्ठा पडिए गेण्हंति । अलंभे उवरिं पि एए चेव । 'साहारणं सभाव'त्ति अप्पणो सभावं णाउं जेण खइएण साहरिज्जइ सो तं गेण्हइ । अस्य व्याख्या - "तुल्लम्मि वि०" गाहा । कण्ठया । सइ पलंबंते जेहिं से गुणो भवइ ताणि गेण्हइ । पलंबाणं असईए ताहे नंदी । दुविहदव्वे ।
नंदति जेण तवसंजमेसु नेव य दर त्ति खिज्जंति । जायंति न दीणा वा, नंदि अतो समयतो सन्ना ॥२९२०॥ परिनिट्ठिय जीवजढं, जलयं थलयं अचित्तमियरं च । परित्तेतरं च दुविहं, पाणगजयणं अतो वोच्छं ॥२९२१॥
"नंद त्ति०" । "परिनिट्ठिय०" गाहा । कण्ठ्या । दुविहदव्वे-जलयरे थलयरे य । विभासा । एवं आहारिए तिसा भवइ । तओ पाणयजयणा, जं हेट्टा भणियं गोलियापोत्तगोरसभावितया । तेसिं इमो उवओगो-असईए -
तुवरे फले अ पत्ते, रुक्खसिलातुप्पमद्दणाईसु । पासंदणे पवाए, आयवतत्ते वहे अवहे ॥२९२२॥
"तुवरे०" गाहा । तुवररुक्खस्स पत्त-पुप्फ-फला जत्थ पाणिए पडंति तं गेण्हइ । पच्छा 'सीलाए'त्ति३ पहाणदंडो जो वरिसोदएण भरिओ तत्थ गेण्हंति । पच्छा तुप्पे, जत्थ उ
१. तरुग अ इ । २. एषा गाथा न दृश्यते मुच । ३. सिला मुच ।
