________________
३३४ विसेसचुण्णि
[अवग्गहपगयं यदेतदुक्तम् । एत्थ वक्खाण गाहा -
पुरिसेहिंतो वत्थं, गिण्हंतिं दिस्स संकमादीया ।
ओभासणा चउत्थे, पडिसिद्धे करेज्ज उड्डाहं ॥२८१६॥ "पुरिसेहिंतो वत्थं०" गाहा । उक्तार्थः । लोभेअ आभिओगे, विराहणा पट्टएण दिटुंतो । दायव्व गणहरेणं, तं पि परिच्छित्तु जयणाए ॥२८१७॥ "लोभेअ०" गाहा । लोभेय अस्य व्याख्या - पगती पेलवसत्ता, लोभिज्जइ जेण तेण वा इत्थी ।
अवि य हु मोहो दिप्पइ, सइरं तासिं सरीरेसु ॥२८१८॥
"पगई०" गाहा । कण्ठ्या । 'अभियोग' इति । कोइ उरालियसरीरं संजइं दिस्स अभिजोएज्ज । एत्थ दिटुंतो -
वियरग समीवारामे, ससरक्खे पुप्फदाण पट्ट कया । निसि वेल दारपिट्टण, पुच्छा गामेण निच्छुभणं ॥२८१९॥
"वियरग समीव०" गाहा । वियरओ कूविया आरामसमीवे, एक्को ससरक्खो कूवतडे। उरालियसरीरं अविरइयं दटुं तीसे पुष्पाणि विज्जामंतिताणि देइ । तीए घरं गंतुं निसापट्टए ठावियाणि । रत्तिं दारं पिट्टइ । णिसा पट्टओ । सेसं कण्ठ्यम् । जम्हा एए दोसा तम्हा निग्गंथीहिं ण घेत्तव्वाणि अप्पणा गिहत्थेहिंतो वत्थाणि । तासिं गणहरो देइ इमेण विहिणा -
सत्त दिवसे ठवेत्ता, थेरपरिच्छाऽपरिच्छणे गुरुगा।
देइ गणी गणिणीए, गुरुगा सय दाण अट्ठाणे ॥२८२०॥ ___“सत्त दिवसे०" गाहा। गणहरो उप्पाएत्ता सत्त दिवसे परियासेइ । ताहे कप्पं काउं थेरो धम्मसट्ठिओ पाउणाविज्जइ, जइ नत्थि विगारो सुंदरं । एवं अपरिक्खित्ता देइ, चउगुरुया । परिक्खिए जइ सयमेव देइ, चउगुरुया। चोक्खयं दिन्नं ति काउं काइ मंदधम्मा भणेज्ज-एसा से इट्टा । एयं अट्ठाणठवणं, तम्हा पवत्तिणीए दायव्वं, सा तासि देइ । आह चोयक:-यद्येवं तेन सूत्रस्य नैरर्थक्यं प्रसज्यते । आयरिओ आह-न होइ सुत्तं निरत्थयं ।
असइ समणाण चोयग, जाइयनिमंतणवत्थ तह चेव । जायंति थेरि असई, विमिस्सिया मोत्तिमे ठाणे ॥२८२१॥
