________________
भासगाहा-२८१६-२८३०] पढमो उद्देसो
"असति समणाण०" गाहा । कण्ठ्या । कानि स्थानानि वर्जनीयानि ?
कावालिए य भिक्खू, सुइवादी कुव्विए अ वेसित्थी । वाणियग तरुण संसट्ठ मेहुणे भोइए चेव ॥२८२२॥ माता पिया य भगिणी, भाउग संबंधिए य तह सन्नी । भावितकुलेसु गहणं, असई पडिलोम जयणाए ॥२८२३॥ अट्ठी विज्जा कुच्छित, भिक्खु निरुद्धा उ लज्जएऽण्णत्थ । एव दगसोय कुच्चिग, सुइग त्ति य बंभचारित्ता ॥२८२४॥ अन्नठवणट्ठ जुन्ना, अभिओगे जाव रूविणी गणिया । भोइग चोरिय दिन्नं, दटुं समणीसु उड्डाहो ॥२८२५॥ देसिय वाणिय लोभा, सइं दिन्नेइ उ चिरं पि होहित्ति । तरुणुब्भामग भोयग, संका आतोभयसमुत्था ॥२८२६॥ दाहामो णं कस्सइ, नियमा सो होहिई सहाओ णे।। सन्नी वि संजयाणं, दाहिइ इति विप्परिणामे ॥२८२७॥ मग्गंति थेरियाओ, लद्धं पि य थेरियाउ गेण्हंति । आगार दट्ठ तरुणीण व देंते तं न गिण्हंति ॥२८२८॥ सत्त दिवसे ठवित्ता, कप्पे कते थेरिया परिच्छंति । सुद्धस्स होइ धरणा, असुद्ध छेत्तुं परिट्ठवणा ॥२८२९॥ जं पुण पढमं वत्थं, चउकोणा तस्स होंति लाभाए । वितिरिच्छंऽता मज्झे, य गरहिया चउगुरू आणा ॥२८३०॥
"कावालिए य०" ["माता पिया०" "अट्ठी०" "अन्नठवणत्थ०" "देसिय०" "दाहामो०" "मग्गंति०" "सत्त दिवसे०" "जं पुण०"] गाहा । ते विज्जामंतजोएहिं अभिजोएंति । दुगुंछिया य भिक्खुया। निरुद्धा विप्परिणामेंति अभिजोएंति वा । सुयी = परिव्वायगा, कुच्ची= कुच्चंधरा, वेसियाओ = जुन्नाओ तरुणीओ मग्गंति वाणिययतरुणाणं, संसट्टओ,
१. = विदग्ध (पासम ३६०)।
