________________
॥ अवग्गहपगयं ॥
[सुत्तं] निग्गंथं च णं गाहावइकुलं पिंडवायपडियाए अणुप्पविढं केइ वत्थेण वा पडिग्गहेण वा कंबलेण वा पायपुंछणेण वा उवनिमंतिज्जा, कप्पड़ से सागारकडं गहाय आयरियपायमूले ठवित्ता दोच्चं पि उग्गहं अणुण्णवित्ता परिहारं परिहरित्तए ॥१-३८॥
संबंधो इमो -
अविरुद्ध भिक्खगतं, कोइ निमंतेज्ज वत्थमाइहिं । कारण विरुद्धचारी, विगिंचितो वा वि गेण्हेज्जा ॥२७९२॥ अहवा लोइयतेण्णं, निवसीम अइच्छिए इमं भणितं । दोच्चमणणुन्नवेडं, उत्तरियं वत्थभोगादी ॥२७९३॥
"अविरुद्धे" ["अहवा"] गाहाद्वयं कण्ठ्यम् । अहवा कारणे विरुद्धचारी मुट्ठो वा होज्ज । तहिं वत्थाहिं गेण्हेज्ज । एष द्वितीयः सम्बन्धः । सागारकडं नाम आयरियसंतियमेतं, ण एयं मम, तं आयरिएण गहियं, अन्नस्स वा दिण्णं । एत्थ सुत्तारंभो -
दुविहं च होइ वत्थं, जायणवत्थं निमंतणाए य । निमंतणवत्थं ठप्पं, जायणवत्थं तु वोच्छामि ॥२७९४॥ [नि०]
"दुविहं च होइ वत्थं०" गाहा । जायणावत्थं जहा पेढियाए (गाथा ६०३-६४८) निमंतणावत्थं इमं -
एयं जायणवत्थं, भणियं एत्तो निमंतणं वोच्छं । पुच्छादुगपरिसुद्धं, पुणरवि पुच्छेज्जिमा मेरा ॥२७९५॥ [“एयं जायण०"] "पुच्छा दुग०" गाहापच्छद्धं । अस्य व्याख्या - विउसग्ग जोग संघाडएण भोइयकुले तिविह पुच्छा ।
कस्स इमं ? किं व इमं ?, कस्स व कज्जे ? लहुग आणा ॥२७९६॥
"विउसग्ग०" गाहा । काउसग्गं काउं संदिसावेइ 'तह'त्ति भणिओ, 'जस्स जोगे' य कए कंचि दंडियाइ अहापहाणं कुलं पविट्ठो । तत्थ एगाए इस्सरीए महता संभमेणं भत्तपाणेणं
