________________
३३० विसेसचुण्णि
[अवग्गहपगयं पडिलाभेत्ता वत्थेण णिमंतिओ। तत्थ स चेव पुव्ववन्निया दुविहा पुच्छा–कस्स इमं? किंच इमं ? एयासु दोसु पुच्छासु जया परिसुद्धं भवइ तया इमा तइया अब्भहिया पुच्छा । कस्स त्ति कस्यार्थाय देहि ? जइ न पुच्छइ चउलहुया । इमे दोसा -
मिच्छत्त सोच्च संका, विराहणा भोइए तहिं गए वा ।
चउत्थं व विंटलं वा, वेंटलदाणं च ववहारो ॥२७९७॥ "मिच्छत्त०" गाहा । 'मिच्छत्त दोच्च संक' त्ति अस्य व्याख्या - वत्थम्मि नीणियम्मि, किं दलसि ? अपुच्छिऊण जइ गेण्हे । अन्नस्स भोयगस्स व, संका घडिया णु किं पुव्वि ? ॥२७९८॥ मिच्छत्तं गच्छेज्जा, दिज्जंतं दट्ठ भोयओ तीसे ।
वोच्छेद पओसं वा, एगमणेगाण सो कुज्जा ॥२७९९॥
"वत्थम्मि०" ["मिच्छत्तं गच्छेज्जा०"] गाहा । भोतओ तस्स पई, अण्णो जो तस्स भोयओ ण भवति तेसिं संका होज्ज - किं एसा एएण समं संपलग्गिया ? अहवा संकेज्ज वेंटलट्ठिया । एवं ताव सामाणिए भोयए । अह असमाणो भोयओ तो इमं -
एमेव पउत्थे भोइयम्मि तुसिणीयदाणगहणे तु । महतरगादीकहिए, एगतर पतोस वोच्छेदो ॥२८००॥ मेहुणसंकमसंके, गुरुगा मूलं च वेंटले लहुगा ।
संकमसंके गुरुगा, सविसेसतरा पउत्थम्मि ॥२८०१॥
"एमेव पउत्थे०" ["मेहुणसंक०"] गाहा । एगतरपदोसो संजयस्स वा पदुसिज्ज भोइयाए वा दोण्ह वि वा पदुसेज्ज । पदुट्ठो जं काहिइ वोच्छेयं बंधणाई तं निप्फण्णं । तं पुण महत्तरियाए वा दुवक्खरियाए वा कहिए एत्थ संकाए निस्संकिए य इमं पच्छित्तं-मेहुण संकाए ::।४ (चतुर्गुरु) निस्संकिए मूलं, वेंटलसंकाए :: ४ (चतुर्लघु) । णिस्संकिए :: ।४ (चतुर्गुरु) । 'तहिं गए व' त्ति अस्य व्याख्या -
एवं ता गेण्हते, गहिए दोसा पुणो इमे होति ।
घरगयमुवस्सए वा, ओभासइ पुच्छए वा वि ॥२८०२॥ "एवं ता०१" गाहा । साहं घरं गयं । अहवा सयं चेव सा अविरईया उवस्सयं आगंतुं
१. एतं वा ब ।
