________________
३२८
विसेसचुण्णि
[वेरज्जविरुद्धरज्जपगयं "राईण.'' ["अब्भरहियस्स०" "पेसवियम्मि०'"] गाहा । एगस्स रण्णो आयरिओ अब्भरहितो । तेण गहिएण राया गहिओ भवइ । ताहे सो इयरो राया मणूसा पेसवेत्ता तं आयरियं हीरेज्ज । तत्थ जो समत्थो तेण उयट्टेयव्वो । अह न सक्किओ पच्छा जयणाए संकमियव्वं । अब्भरहियस्स हरणा एसा उयट्टेयव्वे । असमत्थयाए बोलं करेति । सेसं गाहासिद्धं।
'पेसवियम्मि अदेंते' जइ तेण रन्ना जस्स सकासाओ आयरिओ णीओ तेण पेसविए जेण हितो तस्स सकासं, जइ आयरिओ ण लब्भइ ताहे सीसा तं रायं विन्नवेंति-अम्हे ण तरामो आयरिएण विणा तो विसज्जेहि अम्हे, वच्चामो आयरियसकासं विसज्जिए। जेण हितो तस्स णिवेदेयव्वं आयरिएणं, अहं सीसे वि आणेमि, तेणामियादी संदिसाहि, मा गेण्हेज्जह त्ति । एवं जयणाए संकमंति ।
॥ वेरज्जविरुद्धरज्जपगयं समत्तं ॥
