________________
३२७
भासगाहा-२७७८-२७९१] पढमो उद्देसो
दंसण नाणे माता, भत्तविसोही गिलाणमायरिए । अधिकरण वाद रायकुलसंगते कप्पई गंतुं ॥२७८४॥ सुत्तऽत्थतदुभयविसारयम्मि पडिवन्न उत्तिमट्टम्मि । एतारिसम्मि कप्पइ, वेरज्जविरुद्धसंकमणं ॥२७८५॥
"सण" ["सुत्तत्थ०"] गाहा । दंसणणाणे । इमा व्याख्या-सुत्तत्थदंसणप्पभावगाण अट्ठाए । आयरियो उत्तिमटुं पडिवज्जिउकामो तं च अण्णत्थ णत्थि माया पियरो वा पव्वइउकामा सोगेण मरेंति । भन्नंति ('भत्त'त्ति) भत्तं पच्चक्खाइउकामस्स सोही कायव्वा । गिलाणं वा पडियरिउं गच्छंति । 'आयरिए' त्ति सो भत्तं पच्चक्खाइउकामो तस्स णिज्जवणट्ठाए गच्छेज्ज । अहिकरणं वा कुलगणसंघाणं समुप्पन्नं, तस्स उवसमणट्टा गच्छेज्ज परप्पवाइनिग्गह विभासा । राया वा पउट्ठो तं उवस्सनि (मि)स्सामि सलद्धीओ गच्छेज्ज । 'संगए' त्ति रायसंगारियं केणइ कयं, तत्थ उवसामणनिमित्तं । एएहिं कारणेहिं वच्चंतस्स इमा विही -
आपुच्छिय आरक्खियसेट्ठिसेणावईअमच्चराईणं । अइगमणे निग्गमणे, एस विही होइ नायव्वो ॥२७८६॥ आरक्खितो विसज्जइ, अहव भणिज्जा स पुच्छड तु सेष्टुिं । जाव निवो ता नेयं, मुद्दा पुरिसो व दूतेणं ॥२७८७॥ जत्थ वि य गंतुकामा, तत्थ वि कारिंति तेसि नायं तु ।
आरक्खियाइ ते वि य, तेणेव कमेण पुच्छंति ॥२७८८॥
"आपुच्छिय आरक्खिय०" ["आरक्खितो." "जत्थ वि य०'"] गाहाओ कण्ठ्याओ । 'मुद्द' त्ति मुदं गेण्हंति, जहा विसज्जिया मो। 'दूएणं'ति । जे परोप्परं दूया जंति तेहिं समं वच्चंति । जं तं हेट्ठा आयरिए त्ति दारं तस्येयं व्याख्या -
राईण दोण्ह भंडण, आयरिए आसियावणं होइ । कयकरणे करणं वा, निवेद जयणाएँ संकमणं ॥२७८९॥ अब्भरहियस्स हरणे, उज्जाणईठियस्स गुरुणो उ । उव्वट्टणासमत्थे, दूरगए वा वि सवि बोलं ॥२७९०॥ पेसवियम्मि अदेंते, रन्ना जइ वि उ विसज्जिया सिस्सा । गुरुणो निवेइयम्मि, हारितगराइणो पुट्विं ॥२७९१॥
