________________
भासगाहा-२७४३-२७५३] पढमो उद्देसो
दुस्संचर बहुपाणादि काउ वासासु जं न विहरिंसु । तस्स उ विवज्जयम्मी, चरंति अह सुत्तसंबंधो ॥२७४८॥
"दुस्संचर०" गाहा । कण्ठ्या । 'तस्स उ विवज्जयम्मि' त्ति । पाणजाईया णत्थि, सुसंचरं विहरियव्वं । एस सम्बन्धः । नियुक्तिविस्तर:
पुण्णे अनिग्गमें लहुगा, दोसा ते चेव उग्गमादीया ।
दुब्बलखमगगिलाणा, गोरस उवहिं पडिच्छंति ॥२७४९॥ [नि०]
"पुण्णे०" गाहा । कण्ठ्या । 'पुण्णि' त्ति वासावासे मासकप्पे वा । 'तेच्चेव' त्ति । जे मासकप्पेण निग्गच्छंताण दोसा वण्णिया, इमेहिं य दोसेहिं लग्गंति । दुब्बला ते साहू, अंबिलेण घट्टेल्लया णिग्गमणस(स्स)ट्ठिया जं ते परिताविज्जति तं निप्फण्णं पावंति । अणिग्गच्छंता खमओ विगिटेहिं तवो कम्मे हिं दुब्बलो णिग्गमणट्ठिओ, गिलाणो वा अहुणट्ठियओ, गोरसधाउओ वा दुक्खं अच्छइ । उवही वा पुव्वगहिओ परिखीणोवहिया, तेहिं दिवसेहिं सुलभो, पच्छा दुल्लभो, जं तेण विणा पाविहिति तं निप्फण्णं । अह निग्गया होता तो -
एए न होंति दोसा, बहिया सुलभं च भिक्ख उवही य । भवसिद्धिया उ वाणा, बिइयपय गिलाणमादीसु ॥२७५०॥ तम्हा उ विहरियव्वं, विहिणा जे मासकप्पिया गामा ।
छड्डेइ वंदणादी, तइ लहुगा मग्गणा पत्था ॥२७५१॥
"एए ण होंति दोसा०" ["तम्हा०"] गाहा । गुणो य भवति बहिया निग्गयाणंभिक्खं सुलभं जेण अप्पाइज्जति, उवही य सुलभो, भवियसत्ता य बुज्झिहिंति, केइ वा
आयरियाणं दंसणं कंखंति ते बोहिज्जंति, आणा भगवतो कया भवइ । बिइयपदे णिग्गच्छेज्जा गिलाणमाइसु कारणेसु । एवं बिइयपदे अविज्जमाणे अवस्स विहरियव्वं । कम्हा? जम्हा अविहरंतस्स दोसा। केण विहिणा? जो विही मासक प्पे भणियो तेण विहिणा मासकप्पपाउग्गेसु अणंतरखेत्तेसु वा ठाइयव्वं । अह मासकप्पपाउग्गाणि खेत्ताणि छड्डेइ तो जत्तियाइं छड्डेइ तत्तियाइं चउलहुयाइं । कहिं पुण कारणेहिं छड्डइ ?
आयरिय साहु वंदण, चेइय नीयल्लए तहा सन्नी । गमणं च देसदसण, वइगासु य एवमाईणि ॥२७५२॥ अप्पुव्व विवित्त बहुस्सुया य परियारवं च आयरिया । परियारवज्ज साहू, चेइय पुव्वा अभिनवा वा ॥२७५३॥
