________________
३२०
विसेसचुण्णि
[चारपगयं गाहिस्सामि व नीए, सण्णी वा भिक्खुमाइ वुग्गाहे । बहुगुण अपुव्व देसो, वइगाइसु खीरमादीणि ॥२७५४॥
"आयरिय०" ["अपुव्व०" "गाहिस्सामि०"] गाहा । जामो आयरिया वंदामो । साहुणो चेतियाणि वीणीयेल्लगा वा दट्ठव्वा, सन्नी वा दट्ठव्वा । सन्नी वा तत्थ नत्थि तेण छड्डेइ । देसदरिसणं वा करेइ । चेइयाओ वा मग्गइ । एएहिं कारणेहिं छड्डेइ चउलहुया । 'मग्गणा पत्थ' त्ति । बिइयपदे अइक्कमेज्जा वि । छड्तस्स इमे दोसा -
अद्धाणे उव्वाता, भिक्खोवहि साण तेण पडिणीए ।
ओमाण अभोज्ज घरे, थंडिल असतीइ जे जत्थ ॥२७५५॥
"अद्धाणे उव्वाता०" गाहा । ते साहुणो वच्चंता अद्धाणेण उव्वाया, पविसंता जाणंति । एत्थ ठाहिति । नवरि वोलीणा ताहे आसाए छिन्नाए गाढऽणगाढं परितावनिप्फण्णं पावंति । भिक्खं दुल्लहं होज्ज । अग्गओ वसही वा ण लभेज्ज । अकाले य तेण साण सावएहिं हीरेज्ज खज्जेज्ज वा, पडिणीओ वा होज्ज कोइ, ओमाणं वा तत्थ होज्ज । अभोज्जघरेसु वा गेण्हेज्ज ठाएज्ज वा । थंडिल्लासइए वा जा परितावणा संजमविराहणा वा ।
बिइयपए असिवाई, उवहिस्स उ कारणा व लेवो वा । बहुगुणतरं व गच्छे, आयरियाई व आगाढे ॥२७५६॥
“बिइयपदे असिवाइ०" गाहा । असिव-ओमाण-रायदुट्ठादीहिं कारणेहिं परिल्ले सुलभतरो उवही, पायोग्गतरो य लेवो वा, परिल्ले अत्थि बहुगुणतरं वा । आदिल्लओ परिल्ले खमगगिलाणबालवुड्डादीणं पाउग्गं लब्भइ । आयरियाण वा परिल्ले आदिल्लातो पाउग्गस्स बहुगुणतरं ।
आदिग्गहणेणं परप्पवादी वा उट्ठिय उग्घोसावेइ । सुन्ना परप्पवादा, ते य निग्गहसमत्था, सम्मत्तं वा घेत्तुकामो, केइ आयरियाणं दंसणं कंखंति । 'आगाढे' त्ति । आगाढजोगवाहीण पाउग्गं परिल्ले लब्भइ । आयरियाणं सन्नायगा सन्नी वा ते विप्परिणामेज्जंति ।
एएहिँ कारणेहिं, एक्कदुगंतर तिगंतरं वा वि । संकममाणो खेत्तं, पुट्ठो वि जओ नऽइक्कमइ ॥२७५७॥ निक्कारणगमणम्मि, जे च्चिय आलंबणा उ पडिकुट्ठा । कज्जम्मि संकमंतो, तेहिं चिय सुज्झई जयणा ॥२७५८॥
