________________
३१८ विसेसचुण्णि
[चारपगयं । एवमादि होज्ज वाघाओ त्ति । ताहे इमं विहिं पुव्वं चेव करेंति -
मूलग्गामे तिन्नि उ, पडिवसभेसुं पि तिन्नि वसहीओ । ठायंता पेहिंति उ, वियारवाघायमाइट्ठा ॥२७४३॥ "मूलग्गामे०" गाहा । कण्ठ्या । आउक्कायादीवाघाए जयणाविही भण्णइ - उदगाऽगणिवायाइसु, अन्नस्सऽसतीइ थंभणुद्दवणे ।
संकामियम्मि भयणा, उट्टण थंडिल्ल अन्नत्थ ॥२७४४॥
"उदगाऽगणि." गाहा । कण्ठ्या । थंभणए विज्जाए थंभेइ । 'उद्दावणि' त्ति सप्पं अन्नत्थं संकामेइ विज्जाए । का भयणा ? जइ भद्दा तो अच्छंति अह पंता तो गच्छंति । एसा भयणा । उट्ठिए गामे थंडिल्लस्स असतीए अन्नत्थ गच्छंति । ओमाणे -
इंदमहादी व समागतेसु परउत्थियएसु य जयंति । पडिवसभेसु सखित्ते, दुब्बलसेज्जाए देसूणं ॥२७४५॥ दोन्नि उ पमज्जणाओ, उडुम्मि वासासु तइय मज्झण्हे ।
वसहिं बहुसों पमज्जण, अइसंघट्टऽन्नहिं गच्छे ॥२७४६॥
"इंदमहादी०" ["दोन्नि०"] गाहा । कण्ठ्या । दुब्बलसेज्जाए थूणा' दिज्जइ । एसा जयणा । कुंथुपाणजाइएहिं बहुसो वि वारा पमज्जिज्जइ । अह संथडिज्जति अइबहुया वा तो अन्नहिं गच्छंति । इमा जयणा गच्छंताणं -
उत्तण ससावयाणि य, गंभीराणि य जलाणि वज्जेंता । तलियरहिया दिवसओ, अब्भासतरे वए खित्ते ॥२७४७॥
"उत्तण०" गाहा । कण्ठ्या । दिग्घत्तणा उत्तणा अब्भासे वा दूरे वा जे खेत्ता तहिं गच्छंति ।
[सुत्तं] कप्पइ उभयस्स वि (निग्गंथाणं वा निग्गंथीणं वा) हेमंतगिम्हासु चारए ॥१-३६॥
सम्बन्धे इमा गाहा -
१. = स्तम्भः । (पासम ४५०)
