________________
३१७
भासगाहा-२७३२-२७४२] पढमो उद्देसो सा वा पडेइ । तम्मि रुक्खे चित्तयमादी चढियओ होज्ज, तेण खज्जेज्ज । 'तेण' त्ति । वासभएण न संचरइ लोगो, तेण कारणेणं तेणा विसत्था घुलंति । तेहिं उवही वा सो वा हीरेज्ज । 'गिलाणे' त्ति । उवहिणा तित्तएण अज्जीरमाणे गिलाणो जाओ । बिइयपदे रीएज्जा वि ।
असिवे ओमोयरिए, रायहुढे भए व गेलन्ने । आबाहाईएसु व, पंचसु ठाणेसु रीइज्जा ॥२७३८॥ आबाहे व भये वा, दुब्भिक्खे वाह वा दओहंसि । पव्वहणे व परेहिं, पंचहिँ ठाणेहिँ रीइज्जा ॥२७३९॥
"असिवे०" [“आबाहे वा०"] गाहा । असिवं जायं जत्थ ठिया । एवं पंच वि पदा गिलाणे पडियरओ गच्छेज्ज । एए चेव आबाहादी असिवादि त्ति भणियं होइ ।
एतं तु पाउसम्मी, भणियं वासासु नवरि चउलहुगा । ते चेव तत्थ दोसा, बिइयपदं तं चिमं वऽन्नं ॥२७४०॥ "एवं तु पाउसम्मी०१" गाहा । कण्ठ्या ।
असिवे ओमोयरिए, रायद्दढे भए व गेलन्ने । नाणादितिगस्सऽट्टा, वीसुंभण पेसणेणं वा ॥२७४१॥
"असिवे०'' गाहा । कण्ठ्या । पुव्वभणियं तु जं भणइ कारगगाहा । णाणट्ठा अपुव्वसुयक्खंधो वोच्छिज्जइ, तं अन्नस्स आयरियस्स सकासे, सो भत्तं पच्चक्खाइतुकामे । एवं दंसणपभावणट्ठाए वि चरितट्टाए वि । तत्थ चरित्तं न सुज्झइ जत्थ पुव्वट्ठिया चरियादिविभासा । 'विस्संभण'१ त्ति । उत्तिमद्रं पडिवज्जिउकामो तस्स सोहिं काउं गच्छेज्ज । एतदेव पेसणं ।
आऊ तेऊ वाऊ, दुब्बल संकामिए अ ओमाणे । पाणाइ सप्प कुंथू, उट्ठण तह थंडिलस्सऽसती ॥२७४२॥
"आऊ०" गाहा । आउक्काएण वसही प्लाविता थंडिलाणि वा । अगणिकाएण वसही दड्डा गामो वा । वाएण वसही भग्गा । दुब्बला जाता वासे तिम्मंती पडिउकामा । 'संकामिते' त्ति सो गामो डोड्डाण दिन्नो, अहवा 'संकामिते' त्ति ते वत्थव्वा अन्न गामे संकामिया, 'ओमाणे' त्ति इंदमहे वत्ते तत्थ बहवे पंडरगादओ आगया तेहिं ओमाणं । "पाणादि०" पच्छद्धं कण्ठ्यम्
१. एतं तु बाहुँसमी - ब क ड इ । २. वीसुंभण मुच। ३. डोड्डा = धिग्जातीयाः (मलवृ)।
