________________
भासगाहा-२६०८-२६१८] पढमो उद्देसो
२९३ उभओ पडिबद्धाए, भयणा पन्नरसिया उ कायव्वा । दव्वे पासवणम्मि य, ठाणे रूवे य सद्दे य ॥२६१४॥
"उभओ०" गाहा । जहा तइयभंगे पन्नरसिया भयणा तहा एत्थ वि । नवरं इहं एक्केक्के भंगे दव्वपडिबद्धं पि नायव्वं । एत्थ संजोगपच्छित्तं । दव्वपडिबद्धदोसा एत्थ, भावपडिबद्धा दोसा य ।
उभओ पडिबद्धाए, ठायंते आणमाइणो दोसा । तं चेव पुव्वभणिया, तं चेव य होइ बिइयपयं ॥२६१५॥ "उभओ पडिबद्धा०" गाहा । सुत्तं? । [सुत्तं] कप्पइ निग्गंथीणं पडिबद्धसिज्जाए वत्थए ॥१-३१॥
एसेव कमो नियमा, निग्गंथीणं पि नवरि चउलहुगा। सुत्तनिवाओ निद्दोसे२, पडिबद्धे असइ उ सदोसे ॥२६१६॥ आउज्जोवणमादी, दवम्मि तहेव संजईणं पि । नाणत्तं पुण इत्थी, नऽच्चासन्ने न दूरे य ॥२६१७॥
"एसेव कमो०" [“आउज्जोवणमादी०"] गाहा । “एसेव"त्ति द्रव्यप्रतिबद्धस्य भावप्रतिबद्धस्स उभय-प्रतिबद्धस्य च या व्याख्या अधस्तादनन्तरसूत्रेऽभिहिता तथेहापि मंतव्या । जइ पडिबद्धे ठंति निग्गंथीओ चउलहुया । चोदओ भणइ-सुत्तं निरत्थयं ? आयरियो भणइ-न भवइ सुत्तं निरत्थयं। सदोसपडिबद्धे३ पच्छित्तं, निद्दोसपडिबद्धाए सुत्तनिवातो । निदोसपडिबद्धसेज्जाए अलब्भमाणीए बिइयपदे सदोसे वि ठाएज्जा । तत्थ जो सो निद्दोसो दव्वपडिबद्धो तत्थ आउज्जोयणमाईया दोसा संजईणं पि भवंति । तहा वि निद्दोसो चेव । सो पुण दव्वपडिबद्धो इत्थीण ण पुरिसेहिं । एयं णाणत्तं णिग्गंथेहितो निग्गंथीणं । ताओ पुण से इत्थीओ । जासिं दव्वपडिबंधो ताओ इमाओ -
अज्जियमादी भगिणी, जा यऽन्न सगारअब्भरहियाओ । विहवा वसंति सागारियस्स पासे अदूरम्मि ॥२६१८॥
"अज्जियमादी०" गाहा । आदिग्रहणात् अज्जिया पियामही मातामहिया । एवमाईओ। सेज्जायरस्स दूरे घराई ।
१. शुद्धं ब । २. अत्र मात्राधिक्यं प्रतीयते । ३. दोस शब्दात् पूर्वं ६ अंक दृश्यते अ ।
