________________
२९४
विसेसचुण्णि
[पडिबद्धसेज्जापगयं एरिसए' गेहम्मी, वसंति वइणीउ दव्वपडिबद्धे । ___ पासवणादी य पया, ताहि समं होति जयणाए ॥२६१९॥
"एरिसए०" गाहा । कण्ठ्या । एवं निदोसं दव्वपडिबद्धं । चोयगो भणइ-जइ आउ ज्जोवणमाइया दोसा अत्थि, कहं निद्दोसं ? आयरिओ भणइ -
कामं अहिगरणादी, दोसा वइणीण इत्थियासुं पि । ते पुण हवंति सज्झा, अणिस्सियाणं असज्झा उ ॥२६२०॥ "कामं अहिगरणादी०" गाहा । कण्ठ्या । इयाणिं भावपडिबद्धे - पासवणठाणरूवा, सद्दो य पुमंसमस्सिया जे उ । भावनिबंधो तासिं, दोसा ते तं च बिइयपदं ॥२६२१॥
"पासवण" गाहा । जहा णिग्गंथाणं पासवणठाणादि पडिबद्धे दोसा तहा निग्गंथीणं पि पासवणट्ठाण-रूव-सद्द-पुरिसपडिबद्धसेज्जा भवंति । ते य दोसा जे निग्गंथाणं पुव्व-वणिया। बिइयपदं तं चेव नायव्वं ।
बितियपय कारणम्मी, भावे सद्दम्मि पूवलियखाओ ।
तत्तो ठाणे रूवे. काइय सविकारसह य ॥२६२२॥
"बिइयपदे कारणम्मी०" गाहा । बिइयपदेणं कारणे सद्दपडिबद्धे एरिसे ठाइयव्वं । पढम पूयलियखायस्सरे सद्दपडिबद्धे, असति पूयलियखायस्स चेव ठाणपडिबद्धे, असइ तारिसस्सेव रूवपडिबद्धे, असइ तारिसस्सेव पासवणपडिबद्धे, 'सविकारे' त्ति वोसिरंतो काइयसदं करेइ । पूयलियखायस्स वक्खाणं -
नउई-सयाउगो वा, खट्टामल्लो अजंगमो थेरो । अन्नेण उट्ठविज्जइ, भोइज्जइ सो य अन्नेणं ॥२६२३॥ पूवलियं खायंतो, चब्बच्चबसद्द सो परं कुणइ । एरिसओ वा सद्दो, जारिसओ पूवभक्खिस्स ॥२६२४॥ सो वि य कुटुंतरितो, खाहुत्थूभाउ कुणइ जत्तेणं । परिदेवइ किच्छाहि य, अवितक्कंतो विगयभावो ॥२६२५॥
१. एयारिस मुच । २. बिइयपय मुच । ३. पूपलिकां खादतीति पूपलिकाखादः (मलवृत्ति)।
