________________
२९२
विसेसचुण्णि
[पडिबद्धसेज्जापगयं एयस्स असईए सद्दपडिबद्धे वि । सो सद्दो तिविहो-भूसणसद्दो भासासद्दो परियारसद्दो । पढमं भूसणपडिबद्धे ठायति । असइ भासापडिबद्धे वि । असइ परियारणासद्दपडिबद्धे वि ठायति ।
परियारसद्दजयणा, सद्द वए चेव तिविह तिविहा य । उद्दाणपउत्थसहीणभोइया जा जस्स वा गुरुगी ॥२६०८॥ [नि०] "परियारसद्द०" गाहा पोराणा । अस्य व्याख्या-सा इत्थी इमासि एगतरी होज्ज । उद्दाण परिट्ठविया, पउत्थ कन्ना सभोइया चेव । थेरी मज्झिम तरुणी, तिव्वकरी मंदसद्दा य ॥२६०९॥ थेरी मज्झिम तरुणी, वएण तिविहित्थि तत्थ एक्केक्का । तिव्वकरी मज्झकरी, मंदकरी चेव सद्देणं ॥२६१०॥
"उद्दाण०" ["थेरी मज्झिम०"] गाहा । कण्ठ्या । वयओ तिविहा-थेरी, मज्झिमा, तरुणी । सद्दकरणे तिविहा–तिव्वमंदमज्झसद्दा य । जस्स वा जा गुरुगी सद्देणं सो तं परिहरइ। सव्वत्थ इमा जयणा -
पासवण मत्तएणं, ठाणे अन्नत्थ चिलिमिली रूवे ।
सज्झाए झाणे वा, आवरणे सद्दकरणे वा ॥२६११॥ [नि०]
"पासवण०" गाहा । पासवणपडिबद्धे मत्तएसु जयंति । ठाणपडिबद्धे अन्नत्थ ठायंति। सद्दपडिबद्धे पच्छद्धस्स इमा व्याख्या -
वेरग्गकरं जं वा, वि परिजियं बाहिरं व इअरं वा । सो तं गुणेइ साहू, झाणसलद्धी उ झाएज्जा ॥२६१२॥ दोसु वि अलद्धि कण्णे, ठएइ तह वि सवणे करे सदं । जह लज्जियाण मोहो, नासइ जणनायकरणं वा ॥२६१३॥
"वेरग्गकरं०" ["दोसु वि०"] गाहाद्वयं कण्ठ्यम् । 'दोसु वि अलद्धि' त्ति । सज्झायज्झाणेण वा ताहे कन्ने ठएंति । तह वि सुणेइ ताहे सदं करेंति-किं एरिसं करेह ? । गओ तइयभंगो।
इयाणिं पढमभंगो'–तत्थ गाहा -
१. गतो द्वितीयभंगः अथ तृतीयभंग इति मुच ।
