________________
भासगाहा-२५९५-२६०७] पढमो उद्देसो
२९१ "चंकम्मियं ठियं०" ["जलमलपंकियाण०"] गाहा । कण्ठ्या । सद्दपडिबद्धे इमे दोसा -
गीयाणि य पढियाणि य, हसियाणि य मंजुला य उल्लावा । भूसणसद्दे राहस्सिए अ सोऊण जे दोसा ॥२६००॥ गंभीर महुर फुड विसयगाहओ सुस्सरो सरो जह सिं ।
सज्झायस्स मणहरो, गीयस्स णु केरिसो आसी ॥२६०१॥ "गीयाणि य०" ["गंभीर-महुर०"] गाहाद्वयं कण्ठ्यम् ।
पुरिसा य भुत्तभोगी, अभुत्तभोगी य केइ निक्खंता । कोऊहल-सइकरणुब्भवेहिं दोसेहिमं कुज्जा ॥२६०२॥ "पुरिसा य०" गाहा । कण्ठ्या । किं करेज्ज ? पडिगमणमन्नतित्थिग, सिद्धी संजइ सलिंग हत्थे य ।
अद्घाणवाससावयतेणेसु व भावपडिबद्धे ॥२६०३॥
“पडिगमण" पुव्वद्धं कण्ठ्यम् । बिइयपदे ठाएज्जा वि । भावपडिबद्धे"अद्धाणवास०" गाहापच्छद्धं । अस्य व्याख्या -
विहनिग्गया उ जइउं, रुक्खे जोइ पडिबद्ध उस्सा वा । ठायंति अह उ वासं, सावयतेणादओ भावे ॥२६०४॥
"विहनिग्गया उ०" गाहा । विहं ति वा अद्धाणं ति वा एगटुं । तिक्खुत्तो मग्गित्ता, अलंभे रुक्खपडिबद्धे ठायंति । तस्साए वा पडंतीए जोइपडिबद्धे ठायंति । अहवा वासे सावयभयं वा । तेणा वा दुविहा ताहे भावपडिबद्धे ठायति । तत्थ इमा जयणा -
भावम्मि ठायमाणा, पढमं ठायंति रूवपडिबद्धे । तहियं कडग चिलिमिली, तस्सऽसती ठंति पासवणे ॥२६०५॥ असई य मत्तगस्सा, निसिरणभूमीइ वा वि असईए । वंदेण बोलकरणं, तासिं वेलं च वज्जिति ॥२६०६॥ भूसणभासासद्दे, सज्झाय ज्झाण निच्चमुवओगो । उवगरणेण सयं वा, पेल्लण अन्नत्थ वा ठाणे ॥२६०७॥ "भावम्मि ठायमाणा०'' ["असई य०" "भूसणभासा०'"] गाहा । कण्ठ्या ।
