________________
२९०
विसेसचुण्णि
[पडिबद्धसेज्जापगयं संजोगपच्छित्तं । दुयासंजोगेसु दो चउगुरुया, तियासंजोगेण तिन्नि चउगुरुया । आणादि दोसा। 'ते चिय पुरिस' त्ति संजयपुरिसा । तत्थ पासवणे इमे दोसा -
आयपरोभयदोसा, काइयभूमी य इच्छाणिच्छंते । संका एगमणेगे, वोच्छेद पदोसतो जं च ॥२५९५॥
“आयपरो०" गाहा । 'आय' त्ति संयतो अट्ठिओ होज्ज, ' परो' त्ति अविरइया अट्ठिया होज्ज, 'उभये' त्ति दो वि अट्ठिया होज्जा । 'इच्छऽणिच्छंते' त्ति संजए अणिच्छंते अविरइया भणेज्जा-जइ नेच्छसि उड्डाहं करेमि । अविरइया अणिच्छिया ओभट्ठा उड्डाहं करेज्ज । 'संका एगमणेग' त्ति पुव्वपविढे एगतरे काइयभूमि, पच्छा तओहुत्तं गच्छंतं दटुं संजयं वा संकेज्ज मेहुणट्ठिओ अविरइयं वा दो वि वा संकेज्ज । आदिग्रहणात् भोइयादीणि विभासा । 'वोच्छेदो' तद्दव्वअण्णदव्वे । एगवोच्छेदा अणेगवोच्छेद विभासा । पति-देवराई वा पदुट्ठा जं काहिंति ।
ठाणपडिबद्धे इमे दोसा -
दुग्गूढाणं छन्नंगदंसणे भुत्तभोगि सइकरणं । वेउव्वियमाईसु य, पडिबंधुहुंचयाऽऽसंका ॥२५९६॥
"दुग्गूढाणं०" गाहा । दुग्गूढं दुण्णियत्थं दुउच्छन्नं छन्नंगं उरुत्थणादि, एते अविरइयाए। इमे संजयस्स वेउव्विओ, पंतावियओ, कसाइओ वा पेत्तिओ । आदिग्रहणात् अवाउडिओ जस्स पेत्तिओ, तं दटुं पडिबंधो आगारीए होज्ज । 'आसंक' त्ति इच्छंतो चेव आदंसेइ पेत्तियं । सव्वेसु चेव ठाणेसु सामण्णदोसा इमे -
बंभवयस्स अगुत्ती, लज्जानासो य पीइपरिवुड्डी ।
साहु तवोवणवासो, निवारणं तित्थपरिहाणी ॥२५९७॥ "बंभवयस्स०" गाहा । कण्ठ्या । 'साहु तवोवणवासो' त्ति उल्लतियावयणं । रूवे इमे दोसा -
चंकम्मियं ठियं मोडियं च विप्पेक्खियं च सविलासं । आगारे य बहुविहे, दटुं भुत्तेयरे दोसा ॥२५९८॥ जल्लमलपंकियाणं वि, लायन्नसिरी जहेसि देहाणं । सामन्नम्मि सुरूवा, सयगुणिया आसि गिहवासे ॥२५९९॥
१. लोकश्चोपहासोक्तिभङ्गा ब्रवीति (मलवृ.) ।
