________________
२८४
विसेसचुण्णि
[सागारियउवस्सयपगयं "एमेव बारसविहो'०" गाहा । एवमवहारणे जहा पुरिसाणं भेदो बारसविहो सण्णीणं असण्णीणं च, तहा नपुंसगाण वि ते बारस वि समासओ दुविहा भवंति - इत्थि णेवत्थिया पुरिसणे वत्थिता य । जे पुरिसणेवत्थिया ते दुविहा-पडिसेवी अपडिसेवी य । जे पुरिसणेवत्थिया पडिसेवी अपडिसेवी वा । जइ इत्थिणेवत्थिया ते नियमा पडिसेवी । पडिसेवावेंति त्ति पडिसेवी। एतेसु निक्कारणे ठायंतस्स इमं पच्छित्तं -
एक्केक्का ते तिविहा, थेरा तह मज्झिमा य तरुणा य । एवं सन्नी बारस, बारस अस्सन्निणो होंति ॥२५७१॥ जह चेव य पुरिसेसुं, सोही तह चेव पुरिसवेसेसु । तेरासिएसु सुविहिय !, पडिसेवगअपडिसेवीसु ॥२५७२॥
"एक्केक्का ते०" "जह चेव य पुरिसेसुं०" गाहा । जे पुरिसनेवत्थिया पडिसेवी अपडिसेवी वा । जहा पुरिससागरिए कहियतरुणेसु चउगुरुया । सेसेसु अक्कारस[सु] चउलया। तहा एएसु वि।
एमेव होइ' इत्थी, बारस सन्नी तहेव असन्नी । सन्नीण पढमवग्गे, असइ असन्नीण पढमम्मि ॥२५७३॥ एवं एक्केक्कं तिगं, वोच्चत्थकमेण होइ नेयव्वं । मोत्तूण चरिम सन्निं, एमेव नपुंसएहिं पि ॥२५७४॥
"एमेव होंति इत्थी०" ["एवं एक्केकं०"] गाहा । पुव्वद्धं । जहा पुरिसाणं संनिअसंनीणं । बारसओ भेदो । तहा इत्थीण वि । कारणे ठायंताणं । इमो कमो "सन्नीण पढमवग्गे०" गाहापच्छद्धं । पढमं सन्नित्थीणं मज्झत्थ थेरीसु ठाइ । असइ असन्नीसु थेरीसु मज्झत्थासु ठाइ । असइ मज्झिमासु सण्णीसु मज्झत्थासु ठाइ । असइ असन्नीसु मज्झिमासु सन्नीसु मज्झमासु ठाइ । एवं सेसाणं वि एक्केक्के तिविहे वोच्चत्थे णेयव्वं । इत्थिरूवेस वि नपुंसएसु एसेव कमो । इमा सोधिगाहा -
काहीयातरुणीसं, चउसु वि मलं तु ठायमाणाणं । सेसासु वि चउगुरुगा, समणाणं इत्थिवग्गम्मि ॥२५७५॥ "काहीयातरुणीसुं०" गाहा । काहीय तरुणीसुं मूलं । सेसेसु एक्कारससु चउगुरुगा ।
१. होति मुच ।
