________________
२८३
भासगाहा-२५५८-२५७०] पढमो उद्देसो
एएसिं तिण्हं पी, जे उ विगाराण बाहिरा पुरिसा ।
वेरग्गरुई निहुया, निसग्गहिरिमं तु मज्झत्था ॥२५६५॥
["आभरण०" "अक्खाइयाउ०" "एएसिं तिण्हं0"] गाहासिद्धं । 'गीताई' ति गीताई' कहेंति । 'तिसमुत्था'-अत्थे धम्मे कामे य । निसग्गो नाम स्वभावः ।
एक्केक्का ते तिविहा, थेरा तह मज्झिमा य तरुणा य । एवं सन्नी बारस, बारस अस्सन्निणो होति ॥२५६६॥
"एक्केक्का०" गाहा । मज्झत्था ते तिविहा-थेरा मज्झिमा तरुणा । एवं आभरणप्पिया वि काहिया वि । एवं एए बारसविहा सण्णिणो । एवं असण्णिणो वि बारसविहा ।
काहीयातरुणेसुं, चउसु वि चउगुरुग ठायमाणस्स । सेसेसुं चउलहुगा, समणाणं पुरिसवग्गम्मि ॥२५६७॥
"काहीयातरुणेसु०" गाहा । सण्णिणो एक्को काहियतरुणो । अस्सण्णीण वि एक्को । एए दोण्णि जे वक्ष्यमाणा नपुंसगकाहिया पुरिसणेवत्थिता । तेसि पि सन्नि-असण्णीणं दोण्णि एए चत्तारि । एएसु :: ।४ (चतुर्गुरु), सेसाणं :: ४ (चतुर्लघु) । एवं(यं) निक्कारणे । कारणे पुण इमाए विहीए ठायमाणो सुद्धो । असइ वसहीए -
सन्नीसु पढमवग्गे, असती अस्सन्निपढमवग्गम्मि । तेण परं सन्नीसुं, कमेण अस्सन्निसुं चेव ॥२५६८॥ एवं एक्केक्क तिगं, वोच्चत्थकमेण होइ नायव्वं । मोत्तूण चरिम सन्नी, एमेव नपुंसएहिं पि ॥२५६९॥
"सन्नीसु पढमवग्गे०" ["एवं एक्कक्क तिगं०"] गाहा । सन्निपुरिसाणं पढमवग्गो । मज्झत्था तिविहा । तत्थ थेरेसु ठाइ, असइ मज्झिमेसु, असइ तरुणेसु वि । सण्णीणं पढमवग्गाऽसइए ताहे असण्णीणं पढमवग्गे तहेव, तेसिं पि असईए सन्नीणं बीइयवग्गे ठाइ, असइ तइयवग्गे वि ठाइ । असइ तइयवग्गस्स काहियथेरमज्झिमेसु ठाइ । असइ सण्णीणं ताहे असण्णीणं कमेण एवं चेव । असईए काहियसण्णितरुणेसु चिट्ठइ । ते पण्णविज्जंति । विभासा। असईए असण्णीसु वि काहियतरुणेसु ठाइ, विभासा । पुरिससागारियस्स अलंभे कयाइ नपुंसगसागारिओ लभेज्ज । तत्थ इमा गाहा -
एमेव होंति दुविहा, पुरिसनपुंसा वि सन्नि अस्सन्नी । मज्झत्थाऽऽभरणपिया, कंदप्पा काहिया चेव ॥२५७०॥
१. गीतगाइं अ क ड इ ।
