________________
भासगाहा-२५७१-२५८१] पढमो उद्देसो
२८५ जह चेव य इत्थीसुं, सोही तह चेव पुरिसवेसेसु ।। तेरासिएसु सुविहिय ! ते पुण नियमा उ पडिसेवी ॥२५७६॥
"जह चेव य इत्थीसुं०" गाहा । जे इत्थिणेवत्थिया काहिय तरुणणपुंसगा । तेहिं सागारिएहिं ठायमाणीणं मूलं । सेसेसु एक्कारससु ठायमाणाणं चउगुरुगा ।
जह कारणंपि पुरिसे', तह कारणे इत्थियासु वि वसेज्जा । अद्धाणवाससावयतेणेसु व कारणे वसती ॥२५७७॥
"जह कारणमि पुरिसे०" पुव्वद्धं कण्ठ्यं । किं च तक्कारणं ? "अद्धाण गाहा०" पच्छद्धं । अद्धाणादिसु निग्गयाणं, अण्णाए वसहीए तिक्खुत्तो मग्गियाए अलंभे, वरिसं वा घणं पडइ, सीहादि सावयभये वा, दुविह तेणभये वा ताहे एतेसु ठाणेसु वसंति ।
[सुत्तं] णो कप्पइ णिग्गंथाणं पुरिससागारिए उवस्सए वत्थए ॥१-२६॥ कप्पइ णिग्गंथीणं इत्थी सागारिए उवस्सए वत्थए ॥१-२९॥ एसेव कमो नियमा, निग्गंथीणं पि होइ नायव्वो ।
जह तेसि इत्थियाओ, तह तासि पुमा मुणेयव्वा ॥२५७८॥ "एसेव कमो०" गाहा । कंठ्या । काहीयातरुणीसुं, चउसु वि चउगुरुग ठायमाणीणं ।
सेसासु वि चउलहुगा, समणीणं इत्थिवग्गम्मि ॥२५७९॥
"काहियातरुणीसुं०" गाहा । काहिय तरुणीसु णिग्गंथीणं ठायमाणीणं चउगुरुगा । सेसेसु एक्कारसेसु चउलहुगा ।
काहिय तरुणेसुं चउसु वि मूलं तु ठायमाणीणं । सेसासु उ चउगुरुगा, समणीणं पुरिसवग्गम्मि ॥२५८०॥
"काहिय तरुणेसुं०" गाहा । काहिय तरुणपुरिसेसु णिग्गंथीणं ठायमाणीणं मूलं । सेसेसु एक्कारससु चउगुरुगा। अहवा धम्मगणि खमासमणादेसेणं सव्वेसु वि पदेसु इमा सोही -
थेराइएसु अहवा, पंचग पन्नरस मासलहुओ य । छेदो मज्झत्थादिसु, काहियतरुणेसु चउलहुओ ॥२५८१॥
१. जह कारणे पुरिसेसुं मुच ।
