________________
२५६ विसेसचुण्णि
[दगतीरपगयं छल्लहुएँ ठाइ थेरी, भिक्खुणि छग्गुरुऍ छेद गणिणी उ । मूले पवत्तिणी पुण, जह भिक्खुणि खुड्डए एवं ॥२४१०॥ गणिणिसरिसो उ थेरो, पवत्तिणिविभागसरिसओ भिक्खू । अड्डोक्कंती एवं, सपदं सपदं गणिगुरूणं ॥२४११॥ एवं तु चिट्ठणादिसु, सव्वेसु पदेसु जाव उस्सग्गो ।
पच्छित्ते आदेसा, इक्किक्कपयम्मि चत्तारि ॥२४१२॥
["संजइ०" "पण दस०" "पणगाइ०" "छल्लहुए ठाति०" "गणिणि सरिसो०"] "एवं तु चिट्ठणाइसु०" गाहा । समत्तं दकतीरं ।
अधुना जूवकस्यावसरः । तत्थ गाहा -
संकम जूवे अचले, चले य लहुगो य हुंति लहुगा य । तम्मि वि सो चेव गमो, नवरि गिलाणे इमं होइ ॥२४१३॥
“संकम जूवे०" गाहा । जूवकं नाम पीढं पाणियपरिखित्तं । तत्थ पुण देवलिया घरं वा होज्ज, तत्थ वसहिं गेण्हइ चउलहुया, एयं गहणनिप्फण्णं । सो पुण संकमेण जलेण वा गम्मइ । संकमो दुविहो-संबद्धो असंबद्धो य । एक्केक्को चलो अचलो य । अचलेण जाइ मासलहुँ । चलो दुविहो-सपच्चवाओ निपच्चवाओ य । निप्पच्चवाएण जाइ चउलहुया, सपच्चवाएण जाइ चउगुरुय । "तम्मि वि सो चेव गमो०" गाहापच्छद्धं । एयम्मि वि जूवए सच्चेव वत्तव्वयं जा दगतीरस्स, दोसा य अहिकरमतरायादि जाव अहालंदे । एक्कक्कम्मि पदम्मि चत्तारि । नवरि इमे अब्भहिया दोसा गिलाणस्स । तत्थ गाहा -
दट्ठण व सइकरणं, ओभासण विरहिए य आइयणं । परितावण चउगुरुगा, अकप्प पडिसेव मूल दुगं ॥२४१४॥ आउक्काए लहुगा, पूयरगादीतसेसु जा चरिमं ।
जे गेलन्ने दोसा, धिइदुब्बले सेहे ते चेव ॥२४१५॥
["दट्ठण व सइकरणं०" "आउक्काए०"] गाहा । दट्ठण सइकरणं उप्पज्जइ'पिवामि' ताहे ओभासइ । जइ दिज्जइ संजमविराहणा, अह न दिज्जइ परिच्चत्तो । विरहियं नाम सुन्नयं, नाउं आदिएज्ज आउक्कायनिष्फन्नं चउलहुया। पूयरगमादिसुं मंडुक्कलियमादिसु तिसु चरिमं पच्छित्तं । 'परियावण'त्ति । अह न देइ ओभासंतस्स मा संजमविराहणा भविस्सइ । तत्थ जं गाढ-अणागाढाइ परिताविज्जति तं निप्फण्णं उद्दाइ चरिमं । जणो भणइ-अहो निरणुकंपा मग्गंतस्स वि न देंति । उड्डाहो । अकप्पपडिसेवणं नाम कयाइ सो सयं गहाय
