________________
॥ दगतीरपगयं ॥ [सुत्तं] नो कप्पइ निग्गंथाण वा निग्गंथीण वा दगतीरंसि चिट्ठित्तए वा निसीइत्तए वा तुयट्टित्तए वा निदाइत्तए वा पयलाइत्तए वा, असणं वा पाणं वा खाइमं वा साइमं वा आहारित्तए वा, उच्चारं वा पासवणं वा खेलं वा सिंघाणं वा परिझुवित्तए, सज्झायं वा करित्तए, धम्मजागरियं वा जागरित्तए, काउसग्गं वा ठाणं ठाइत्तए ॥१-१९॥
सुत्तं उच्चारेयव्वं । सुत्ताभिसंबद्धो गाहासिद्धो । चिट्ठित्तए उट्ठियओ अच्छइ । णिसीत्तए उवदेओ निव्वत्तओ निदाइत्तए सहपडिबोध इत्यर्थः । पयला उट्रियस्स कस्सइ । पयलापयला संचंक्रमतः । सज्झाओ पंचविहो। काउस्सग्गो दुविहो-चेट्टाए अभिभवे य ।
मा मं कोई दच्छिइ, दच्छं व अहं ति चिलिमिली तेणं । दगतीरे वि न चिट्ठइ, तदालया मा हु संकेज्जा ॥२३८३॥१ दगतीर चिट्ठणादी, जूयग आयावणा य बोधव्वा ।
लहुओ लहुया लहुया, तत्थ वि आणाइणो दोसा ॥२३८४॥ [नि०]
["मा मं कोइ दच्छिइ०"] "दगतीर चिट्ठणादी०" गाहा । चोयगो भणइ-अहं दगतीरं भणामि ।
नयणे पूरे दिढे, तडि सिंचण वीइमेव पुढे य । अच्छंते आरण्णा, गाम पसुमणुस्सइत्थीओ ॥२३८५॥ सिंचणवीईपुट्ठा, दगतीरं होइ न पुण तम्मत्तं ।
ओतरिउत्तरिउमणा, जहिं दट्ट तसंति तं तीरं ॥२३८६॥
"नयणे पूरे०" ["सिंचणवीई०"] गाहा । जत्तो पाणीयं णीणेत्ता आणिज्जइ तं दगतीरं । आयरिओ भणइ-दूराओ वि पाणियं आणिज्जइ तम्हा न होइ दगतीरं । तो खाई जत्थियं पूरो अक्कमइ। अहवा जहिं ठिएहिं जलं दीसइ, अहवा तडं दगतीरं, अहवा जहिं ठिओ अप्पाणं सिंचइ । अन्नं वा किंचि। अहवा जाव वीईओ स्पृशति । आयरियो भणइसव्वे एए जे उ उद्दिट्टा दगतीरं भवइ, ण पूर्ण एव मात्रमेव । किं पुनर्दगतीरं? जत्थ आरन्नया ग्रामेयकास्तिर्यग्मनुष्या संतिष्ठंति एंतियं यत्र वा ते आरन्नया त्रसंति, दगतीरं । इमे दोसा दगतीराए चिट्ठणाईसु -
१. एषा गाथा विशेषचूर्णिकृता न वर्तते ।
