________________
भासगाहा-२३७६-२३८२] पढमो उद्देसो
२४९ कोउहल्लेण वा एंति चिलिमिणी कीरइ । प्राणदयार्थमपि एयासिं चेव चिलिमिणीणं उवभोगो। मच्छियाओ वा जया बहुया ओवासंति, टोलादओ वा पाणा पविसंति । टोला=डिड्डया ।
उभओसहकज्जे वा, देसी वीसत्थमाइ गेलन्ने ।।
अद्धाणे छन्नासइ, भओवही सावए तेणे ॥२३८०॥
["उभओसह०"] गिलाणट्ठाए वि एयासिं चेव चिलिमिणीणं उवभोगो । तत्थ सागारिए गिलाणो उभयं वीसत्थो वोसिरइ ओसहकज्जे वा, मा मृगा पासिहिति । देसी जहा गोल्लविसए डाइणिभएण गिलाणो ण पायडिज्जइ । वीसत्थो त्ति गिलाणो वि नग्गओ सुहं अच्छइ। सावय भए दंडचिलिमिणीहिं उवभोगो दारं ठाइज्जइ । कडगचिलिमिणीए वि सावयभए दारं ठविज्जइ। जं च हेट्ठा भणियं-सागारिय सज्झए (२३३३) तत्थ वि कडगचिलिमिणीए उवभोगो । अद्धाण सत्थेण समं वच्चंताणं जत्थ च्छायाओ नत्थि तत्थ पोत्त-वाग-दारुदंडएहिं चिलिमिणी कीरइ ।
छन्नवहण? मरणे, वासे उज्झक्खणी य कडओ य । उल्लुवहि विरल्लिंति व, अंतो बहि कसिण इतरं वा ॥२३८१॥
["छन्नवहण०"] विभासा। सा च गरुए दंडएहिं कंटियाहिय गुत्ती कीरइ । 'मरण'त्ति मा य उपच्छन्नं कीरइ जाव से संथारओ कीरइ, दंडएहिं वा उक्खेत्तुं णीणिज्जइ । वरिसंते अंतरिक्खिए उज्झक्खणि' वारणट्ठाए कडगचिलिमिणी कीरइ । उल्लुवहिं विरल्लणट्ठयए। चिलिमिणी पोत्त-वाग-दोरेहिं काउं अंतो कसिणोवही विरल्लिज्जइ । इयरो नाम अकसिणो बाहिं विरल्लिज्जइ । एयं एवंविहं चिलिमिणि अकरेंतस्स चउलहुया ।
बंभव्वयस्स गुत्ती, दुहत्थसंघाडिए सुहं भोगो । वीसत्थ चिट्ठणादी, दुरहिगमा दुविह रक्खा य ॥२३८२॥
"बंभवयस्स०" गाहा । संजईओ चिलिमिणीए निच्चकयाए अच्छंति । किं निमित्तं? बंभवयस्स गुत्ती भवइ । दुहत्थवित्थाराए य संघाडीए पाउयाए असंकिया पडिस्सए सुहं अच्छइ। एए य गुणा भवंति ।
॥ चिलिमिणीपगयं समत्तं ॥
१. उज्झखणीय त्ति पवनप्रेरिता उदककणिकाः मलवृ० । २. उल्लुवहिं विरल्लयन्ति विस्तारयन्तीत्यर्थः मलवृ० ।
