________________
२४८ विसेसचुण्णि
[चिलिमिलिपगयं पोत्तचिलिमिणीए वागचिलिमिणीए वि एतं चेव पमाणं । उन्निया कायव्वा । तस्स असइ खोमिया वि तस्स असइ वागमई वि ।
इदाणिं गणणपमाणं -
असतोण्णि खोमिरज्जू, एक्कपमाणेण जा उ वेढेइ । कडहूवागादीहिं, पोत्तऽसइ भए व वागमई ॥२३७६॥ देहऽहिओ गणणेक्को, दुवारगुत्ती भये व दंडमई । संचारिमा य चउरो, भय माणे कडमसंचारी ॥२३७७॥
"असतोण्णि" [“देहऽहिओ०"] गाहा । एक्ककस्स साहुस्स पत्तेयं पत्तेयं दो चिलिमिणीओ । सुत्तमई कायव्वा, तस्स असइ रज्जुमती वि । सा गणणपमाणं । सव्वगच्छस्सेव एक्का पमाणपमाणेणं जाव गच्छं वेढेइ । दंडचिलिमिणी पमाणपमाणेण देहाधिया, आयप्पमाणाओ अब्भइयतरिया । गणणप्पमाणेणं एक्कमेक्कस्स साहुणो पत्तेयं पत्तेयं एक्को [कडओ], तेहिं डं(क)डएहिं सावयभए दुवारस्स गुत्ती कीरइ, ठइज्जइ त्ति भणियं होइ । आदिमाओ चत्तारि संचारिमाओ, कडओ असंचारिमो । अस्य प्रमाणं- गणणाए य पमाणेण य सागारियं रंभइ, तप्पमाणेण कीरइ । असइ तत्प्रमाणस्य दुगादिया वि कडगा घेप्पंति । 'उवभोगो तु दुपक्खे' त्ति । (गा० २३७३) उपभुज्यत इत्युपभोगः दुपक्खसंजयाणं संजईण य । सो इमो उपभोगो।
सागारिय सज्झाए, पाणदय गिलाण सावयभए वा ।
अद्धाणमरणवासासु चेव सा कप्पए गच्छे ॥२३७८॥ [नि०] "सागारियसज्झाए०" दारगाहा । सागारिए त्ति -
पडिलेहोभयमंडलि, इत्थीसागारियट्ठ सागरिए । घाणाऽऽलोग ज्झाए, मच्छिय डोलाइपाणेसु ॥२३७९॥
"पडिलेह०" गाहा । पडिलेहणियं करेंतो चिलिमिणं करेंता पोत्तेण दोरेण य, मा उक्कोसोवही दीसिहि त्ति मा वा उडुंच काहिंति । 'उभयमंडली' समुद्देसमंडलीए सज्झायमंडलीए य । इत्थिसागारिए नाम आलोगो भविस्सइ । सागारियग्गहणं सागारिय प्रदर्शनार्थम् । एत्थ चक्कमतीए वि उवभोगो। सज्झाए एयासिं चेव उवभोगो, जत्थ मुत्तपुरीसाईणं घाणी एइ, एएसिं वा आलोओ, वच्चाउ वा रुहिरेण दिण्णाओ, चेडरूवाणि वा
